ಮಾರುಕಟ್ಟೆಯಲ್ಲಿ ಈಗ ₹30,000 ಬಜೆಟ್ ಅಂದ್ರೆ ಅದಕ್ಕೊಂದು ದೊಡ್ಡ ಡಿಮಾಂಡ್ ಇದೆ. ಒಂದು ಕಾಲದಲ್ಲಿ ಲಕ್ಷಾಂತರ ರೂಪಾಯಿ ಕೊಟ್ರೆ ಮಾತ್ರ ಸಿಗುತ್ತಿದ್ದ ಕರ್ವ್ಡ್ ಡಿಸ್ಪ್ಲೇ, ದೊಡ್ಡ ಬ್ಯಾಟರಿಗಳು ಮತ್ತು ಗೇಮಿಂಗ್ ಪ್ರೊಸೆಸರ್ಗಳು ಈಗ ಈ ಮಿಡ್-ರೇಂಜ್ ಬಜೆಟ್ನಲ್ಲೇ ಸಿಗುತ್ತಿವೆ. ಹೋದ ಕಡೆಲೆಲ್ಲಾ ಫೋನ್ ಚಾರ್ಜ್ ಮಾಡೋ ಟೆನ್ಷನ್ ಇರೋರಿಗೂ ದೊಡ್ಡ ಬ್ಯಾಟರಿ ಫೋನ್ಗಳು ಬಂದಿವೆ, ಗೇಮಿಂಗ್ ಹುಚ್ಚು ಇರೋರಿಗೂ ಪವರ್ಫುಲ್ ಚಿಪ್ಸೆಟ್ಗಳು ಸಿಗುತ್ತಿವೆ.
ಹಾಗಾದರೆ ಈ ಬಜೆಟ್ನಲ್ಲಿ ಯಾವ ಫೋನ್ ಕೊಂಡರೆ ನಿಮ್ಮ ಹಣಕ್ಕೆ ಸಂಪೂರ್ಣ ನ್ಯಾಯ ಸಿಗುತ್ತೆ? ನಾವೇ ಖುದ್ದಾಗಿ ಮಾರುಕಟ್ಟೆಯಲ್ಲಿ ಗಮನಿಸಿ, ಆಫ್ಲೈನ್ ಹಾಗೂ ಆನ್ಲೈನ್ ಟ್ರೆಂಡ್ ನೋಡಿ ಆಯ್ಕೆ ಮಾಡಿದ 2026ರ ಬೆಸ್ಟ್ ಸ್ಮಾರ್ಟ್ಫೋನ್ಗಳ ಪಟ್ಟಿ ಇಲ್ಲಿದೆ ನೋಡಿ.
₹30,000 ಒಳಗೆ ಸಿಗುವ ಬೆಸ್ಟ್ ಮೊಬೈಲ್ಗಳು – ಸಂಪೂರ್ಣ ಫೀಚರ್ಗಳು
| ಫೋನ್ | ಬೆಲೆ | ಡಿಸ್ಪ್ಲೇ | ಪ್ರೊಸೆಸರ್ | ಬ್ಯಾಟರಿ | ಕ್ಯಾಮೆರಾ |
|---|---|---|---|---|---|
| Motorola Edge 70 Fusion | ₹29,999 ರಿಂದ | 6.78″ AMOLED, 144Hz | Snapdragon 7s Gen 4 | 7,000mAh | 50MP Sony |
| POCO X7 Pro | ₹23,999 ರಿಂದ | 6.67″ AMOLED, 120Hz | Dimensity 8400 Ultra | 6,550mAh | 50MP + 8MP |
| Vivo T5x 5G | ₹28,999 ರಿಂದ | 6.76″ LCD, 120Hz | Dimensity 7400-Turbo | 7,200mAh | 50MP Sony |
| Realme P4 Power | ₹29,999 | 6.8″ AMOLED, 144Hz | Dimensity 7400 Ultra | 10,001mAh | 50MP OIS |
| Samsung Galaxy A17 5G | ₹23,999 ರಿಂದ | 6.7″ Super AMOLED, 90Hz | Exynos 1330 | 5,000mAh | 50MP OIS |
| Nothing Phone 3a Lite | ₹28,790 ರಿಂದ | 6.77″ AMOLED, 120Hz | Dimensity 7300 Pro | 5,000mAh | 50MP OIS |
1. Motorola Edge 70 Fusion – ಬೆಸ್ಟ್ ಆಲ್-ರೌಂಡರ್ ಫೋನ್

ಬೆಲೆ: ₹29,999 ರಿಂದ ಶುರು (8GB + 128GB)
ನೀವು ಯಾರ ಹತ್ತಿರವಾದರೂ “ಯಾವ ಫೋನ್ ತಗೋಳಿ?” ಅಂತ ಕೇಳಿದರೆ, ಅವರು ಮೊದಲು ಕೈ ತೋರಿಸುವುದು ಮೋಟೋರೋಲಾ ಕಡೆಗೆ. ಯಾಕಂದ್ರೆ ಈ ಫೋನ್ ಕೈಯಲ್ಲಿ ಹಿಡಿದಾಗ ಸಿಗುವ ಪ್ರೀಮಿಯಂ ಫೀಲ್ ಅಷ್ಟು ಚೆನ್ನಾಗಿದೆ. ಇದರ ಕರ್ವ್ಡ್ ಡಿಸ್ಪ್ಲೇ ಡಿಸೈನ್ ನೋಡೋಕೆ ಮಸ್ತ್ ಆಗಿದೆ.
6.78 ಇಂಚಿನ AMOLED ಸ್ಕ್ರೀನ್ ಜೊತೆಗೆ 144Hz ರಿಫ್ರೆಶ್ ರೇಟ್ ಇರೋದ್ರಿಂದ, ಇನ್ಸ್ಟಾಗ್ರಾಮ್ ಸ್ಕ್ರೋಲ್ ಮಾಡ್ತಿರಬೇಕಾದರೆ ಅಥವಾ ಮೂವಿ ನೋಡಬೇಕಾದರೆ ಸಖತ್ ಸ್ಮೂತ್ ಅನುಭವ ಸಿಗುತ್ತದೆ. ಇನ್ನು ಇದರಲ್ಲಿರುವ 7,000mAh ಬ್ಯಾಟರಿ ಮತ್ತು 68W ಚಾರ್ಜಿಂಗ್ ಕಾಂಬಿನೇಷನ್ ಹಗಲು ರಾತ್ರಿ ಫೋನ್ ಬಳಸುವವರಿಗೂ ಒಂದು ದಿನಕ್ಕೂ ಹೆಚ್ಚು ಕಾಲ ಬ್ಯಾಕಪ್ ಕೊಡುತ್ತದೆ. 50MP ಸೋನಿ ಸೆನ್ಸರ್ ಕ್ಯಾಮೆರಾದಿಂದ ರಾತ್ರಿ ಹೊತ್ತಿನ ಫೋಟೋಗಳು ಕೂಡ ತುಂಬಾನೇ ಕ್ಲಿಯರ್ ಬರುತ್ತವೆ. ಒಟ್ಟಿನಲ್ಲಿ ಕ್ಯಾಮೆರಾ, ಬ್ಯಾಟರಿ, ಲುಕ್ ಮೂರೂ ಸಮಾನವಾಗಿ ಬೇಕು ಅಂದ್ರೆ ಇದನ್ನು ಆಯ್ಕೆ ಮಾಡಬಹುದು.
2. POCO X7 Pro – ಬೆಸ್ಟ್ ಪರ್ಫಾರ್ಮೆನ್ಸ್ ಫೋನ್

ಬೆಲೆ: ₹23,999 ರಿಂದ ಶುರು (8GB + 256GB), 12GB ವೇರಿಯಂಟ್ ₹25,999
ಪೊಕೊ ಅಂದ್ರೆನೇ ಹೈ-ಸ್ಪೀಡ್ ಪರ್ಫಾರ್ಮೆನ್ಸ್. ನಿಮಗೆ ಬಿಜಿಎಂಐ (BGMI) ಅಥವಾ ದೊಡ್ಡ ದೊಡ್ಡ ಗೇಮ್ಗಳಲ್ಲಿ ಲ್ಯಾಗ್ ಆಗದಂತೆ ಸ್ಮೂತ್ ಗೇಮಿಂಗ್ ಅನುಭವ ಬೇಕಾ? ಹಾಗಾದ್ರೆ ಬೇರೆ ಯೋಚನೆ ಮಾಡದೆ POCO X7 Pro ಕಡೆ ಗಮನ ಕೊಡಿ. ಈ ಬೆಲೆಗೆ ಇಂಥದ್ದೊಂದು ಪ್ರೊಸೆಸರ್ ಸಿಗೋದು ನಿಜಕ್ಕೂ ದೊಡ್ಡ ವಿಷಯ.
ಇದರಲ್ಲಿ ಮೀಡಿಯಾಟೆಕ್ ಡೈಮೆನ್ಸಿಟಿ 8400 ಅಲ್ಟ್ರಾ ಪ್ರೊಸೆಸರ್ ಇದೆ. ಅಂದ್ರೆ ನೀವು ಏಕಕಾಲಕ್ಕೆ ಹತ್ತು ಹಲವು ಆಪ್ಗಳನ್ನು ರನ್ ಮಾಡಿದರೂ ಫೋನ್ ಯಾವುದೇ ತೊಂದರೆ ಇಲ್ಲದೆ ಸುಲಭವಾಗಿ ಕಾರ್ಯನಿರ್ವಹಿಸುತ್ತದೆ. ಜೊತೆಗೆ 6,550mAh ಬ್ಯಾಟರಿ ಜತೆಗೆ ಬರುವ 90W ಫಾಸ್ಟ್ ಚಾರ್ಜರ್ ನಿಮ್ಮ ಫೋನ್ ಅನ್ನು ಕೆಲವೇ ನಿಮಿಷಗಳಲ್ಲಿ ಫುಲ್ ಚಾರ್ಜ್ ಮಾಡುತ್ತದೆ. ಆರಂಭಿಕ ಬೆಲೆಯಲ್ಲೇ 256GB ಸ್ಟೋರೇಜ್ ಸಿಗುತ್ತಿರೋದು ಗೇಮರ್ಸ್ಗಳಿಗೆ ದೊಡ್ಡ ಪ್ಲಸ್ ಪಾಯಿಂಟ್. ಒಳಗೆ ಸ್ವಲ್ಪ ಅನಾವಶ್ಯಕ ಆಪ್ಗಳು (ಬ್ಲೋಟ್ವೇರ್) ಬರಬಹುದು, ಆದ್ರೆ ಅವುಗಳನ್ನು ಡಿಲೀಟ್ ಮಾಡಿದ್ರೆ ಮುಗಿಯಿತು, ಫೋನ್ ಮೈತುಂಬಾ ಸ್ಪೀಡ್ ಆಗಿರುತ್ತದೆ.
3. Vivo T5x 5G – ಬ್ಯಾಟರಿ ಮತ್ತು ಪರ್ಫಾರ್ಮೆನ್ಸ್ಗೆ ಉತ್ತಮ ಆಯ್ಕೆ

ಬೆಲೆ: ₹28,999 ರಿಂದ ಶುರು (6GB + 128GB)
ವಿವೋ ಅಂದ್ರೆ ಬರೀ ಕ್ಯಾಮೆರಾ ಅಂದುಕೊಂಡಿದೀರಾ? ಇಲ್ಲ ಸ್ವಾಮಿ, ಈ ಬಾರಿ ಅವರು ಬ್ಯಾಟರಿ ಪ್ರಿಯರ ಗುರಿಯಿಟ್ಟುಕೊಂಡು ಈ ಫೋನ್ ಹೊರತಂದಿದ್ದಾರೆ. ಇಡೀ ದಿನ ಆಫೀಸ್ ಕಾಲ್ಗಳು, ಆನ್ಲೈನ್ ಮೀಟಿಂಗ್ ಅಂತ ಬ್ಯುಸಿ ಇರೋರಿಗೆ ಈ ಫೋನ್ ಬೆಸ್ಟ್ ಫ್ರೆಂಡ್ ಆಗುತ್ತದೆ.
ಇದರಲ್ಲಿ ಬರೋಬ್ಬರಿ 7,200mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ ಇದೆ. ಒಮ್ಮೆ ಚಾರ್ಜ್ ಮಾಡಿದ್ರೆ ಸಾಕು, ಸಾಧಾರಣ ಬಳಕೆಯಲ್ಲಿ ಸುಲಭವಾಗಿ ಒಂದೂವರೆ ಯಿಂದ ಎರಡು ದಿನ ಬರುತ್ತದೆ. ಇನ್ನು ಮೀಡಿಯಾಟೆಕ್ ಡೈಮೆನ್ಸಿಟಿ 7400-ಟರ್ಬೊ ಪ್ರೊಸೆಸರ್ ಇರೋದ್ರಿಂದ ದೈನಂದಿನ ಕೆಲಸಗಳು ಯಾವುದೇ ತೊಂದರೆ ಇಲ್ಲದೆ ಸಾಗುತ್ತವೆ. ಮುಂಭಾಗದಲ್ಲಿರುವ 32MP ಸೆಲ್ಫಿ ಕ್ಯಾಮೆರಾ ರೀಲ್ಸ್ ಮಾಡುವವರಿಗೆ ಮತ್ತು ಸೋಶಿಯಲ್ ಮೀಡಿಯಾ ಪ್ರಿಯರಿಗೆ ತುಂಬಾನೇ ಇಷ್ಟವಾಗುವಂತಿದೆ.
4. Realme P4 Power – ಅತಿ ದೊಡ್ಡ ಬ್ಯಾಟರಿ ಇರುವ ಫೋನ್

ಬೆಲೆ: 8GB + 128GB ವೇರಿಯಂಟ್ ₹29,999.
ಈ ಫೋನ್ ಹೆಸರು ಕೇಳಿದ್ರೆನೇ ಆಶ್ಚರ್ಯ ಆಗುತ್ತೆ, ಯಾಕಂದ್ರೆ ರಿಯಲ್ಮಿ ಇದರಲ್ಲಿ ಬರೋಬ್ಬರಿ 10,001mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ಕೊಟ್ಟಿದೆ! ಇಷ್ಟು ದೊಡ್ಡ ಬ್ಯಾಟರಿ ಅಂದ್ರೆ ಪವರ್ ಬ್ಯಾಂಕ್ ಅನ್ನು ಒಯ್ಯುವ ಅವಶ್ಯಕತೆಯೇ ಇಲ್ಲ ಬಿಡಿ.
ಇಷ್ಟು ದೊಡ್ಡ ಬ್ಯಾಟರಿ ಇದ್ದರೂ ಫೋನ್ ಕೈಯಲ್ಲಿ ಹಿಡಿಯಲು ತುಂಬಾ ದಪ್ಪಗೆ ಅಥವಾ ಭಾರ ಅನಿಸದಂತೆ ನೀಟಾಗಿ ಡಿಸೈನ್ ಮಾಡಿದ್ದಾರೆ. 6.8 ಇಂಚಿನ ದೊಡ್ಡ AMOLED ಡಿಸ್ಪ್ಲೇ ಜೊತೆಗೆ 144Hz ರಿಫ್ರೆಶ್ ರೇಟ್ ಇರೋದ್ರಿಂದ ಸ್ಕ್ರೀನ್ ಮಸ್ತ್ ಸ್ಮೂತ್ ಆಗಿದೆ. ಬಿಸಿಲಿನಲ್ಲಿ ಫೋನ್ ಬಳಸುವಾಗಲೂ ಸ್ಕ್ರೀನ್ ಸ್ಪಷ್ಟವಾಗಿ ಕಾಣುವಷ್ಟು ಬ್ರೈಟ್ನೆಸ್ ಸಿಗುತ್ತದೆ. ಇದರ ಜೊತೆಗೆ OIS ಸಪೋರ್ಟ್ ಇರುವ 50MP ಕ್ಯಾಮೆರಾ ಹಾಗೂ ನೀರು-ಧೂಳಿನಿಂದ ರಕ್ಷಣೆ ನೀಡುವ IP69 ರೇಟಿಂಗ್ ಕೂಡ ಇದೆ. ನೀವು ಆಗಾಗ ಪ್ರಯಾಣ ಮಾಡುವವರಾಗಿದ್ದರೆ ಅಥವಾ ಪದೇ ಪದೇ ಚಾರ್ಜ್ ಮಾಡೋ ಟೆನ್ಷನ್ ಬೇಡ ಎನ್ನುವವರಿಗೆ ಇದು ಬೆಸ್ಟ್ ಆಪ್ಷನ್.
5. Samsung Galaxy A17 5G – ಬೆಸ್ಟ್ ಸಾಫ್ಟ್ವೇರ್ ಸಪೋರ್ಟ್

ಬೆಲೆ: ₹23,999 ರಿಂದ ಶುರು (6GB + 128GB)
ಪದೇ ಪದೇ ಫೋನ್ ಬದಲಾಯಿಸೋ ಬದಲು, ನಮಗೆ ಗಟ್ಟಿಯಾದ ಬ್ರ್ಯಾಂಡ್ ಮತ್ತು ದೀರ್ಘಕಾಲ ಬಾಳಿಕೆ ಬರುವ ಫೋನ್ ಬೇಕು ಅನ್ನೋರಿಗೆ ಸ್ಯಾಮ್ಸಂಗ್ ಮೊದಲ ಆಯ್ಕೆಯಾಗಿರುತ್ತೆ. Galaxy A17 5G ಕೂಡ ಅದೇ ವಿಶ್ವಾಸವನ್ನು ಉಳಿಸಿಕೊಳ್ಳುವ ಪ್ರಯತ್ನ ಮಾಡಿದೆ.
ಸ್ಯಾಮ್ಸಂಗ್ ಈ ಫೋನ್ಗೆ ಬರೋಬ್ಬರಿ 6 ವರ್ಷಗಳ ಕಾಲ ಆಂಡ್ರಾಯ್ಡ್ ಅಪ್ಡೇಟ್ ಮತ್ತು ಸೆಕ್ಯುರಿಟಿ ಅಪ್ಡೇಟ್ ಕೊಡುವುದಾಗಿ ಹೇಳಿದೆ. ಅಂದ್ರೆ ಒಮ್ಮೆ ಈ ಫೋನ್ ತೆಗೆದುಕೊಂಡರೆ, ಮುಂದಿನ ಐದಾರು ವರ್ಷಗಳವರೆಗೆ ಸಾಫ್ಟ್ವೇರ್ ಬಗ್ಗೆ ತಲೆಕೆಡಿಸಿಕೊಳ್ಳಬೇಕಿಲ್ಲ. ಇದರಲ್ಲಿ 6.7 ಇಂಚಿನ ಸೂಪರ್ AMOLED ಡಿಸ್ಪ್ಲೇ ಜೊತೆಗೆ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ ರಕ್ಷಣೆ ಇದೆ. ಫೋನ್ ಚಾರ್ಜಿಂಗ್ ಸ್ಪೀಡ್ ಮಾತ್ರ ಕೇವಲ 25W ಇದೆ, ಇದು ಇಂದಿನ ಕಾಲಕ್ಕೆ ಸ್ವಲ್ಪ ನಿಧಾನ ಅನ್ನಿಸೋದಂತೂ ನಿಜ. ಆದರೂ ಬ್ರ್ಯಾಂಡ್ ಮೌಲ್ಯ ಮತ್ತು ಬಾಳಿಕೆ ಮುಖ್ಯ ಎನ್ನುವವರಿಗೆ ಇದು ಸರಿಯಾದ ಆಯ್ಕೆ.
6. Nothing Phone 3a Lite – ಬೆಸ್ಟ್ ಡಿಸೈನ್ ಮತ್ತು ಡಿಸ್ಪ್ಲೇ

ಬೆಲೆ: ₹28,790 ರಿಂದ ಶುರು (8GB + 128GB)
ಮಾರುಕಟ್ಟೆಯಲ್ಲಿ ಬರುವ ಎಲ್ಲ ಫೋನ್ಗಳು ಒಂದೇ ತರ ಕಾಣಿಸಿ ಬೋರಾಗಿದೆಯಾ? ಹಾಗಾದರೆ ನಥಿಂಗ್ ಕಂಪನಿಯ ಈ ಲೈಟ್ ವೇರಿಯಂಟ್ ನಿಮಗೆ ಸ್ವಲ್ಪ ಹೊಸ ಅನುಭವ ನೀಡಬಹುದು. ಇದರ ವಿಭಿನ್ನ ಟ್ರಾನ್ಸ್ಪರೆಂಟ್ ಲುಕ್ ನೋಡಲು ಚೆನ್ನಾಗಿದೆ.
6.77 ಇಂಚಿನ 120Hz AMOLED ಡಿಸ್ಪ್ಲೇ ಜೊತೆಗೆ, ಇದರ ಅತಿ ದೊಡ್ಡ ಪ್ಲಸ್ ಪಾಯಿಂಟ್ ಅಂದರೆ ಇದರ ಸಾಫ್ಟ್ವೇರ್. ಯಾವುದೇ ಜಾಹೀರಾತುಗಳು ಅಥವಾ ಕಿರಿಕಿರಿ ಮಾಡುವ ಅನಾವಶ್ಯಕ ಆಪ್ಗಳಿಲ್ಲದ ಕ್ಲೀನ್ ಆದ ನಥಿಂಗ್ OS ಇದರಲ್ಲಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 7300 ಪ್ರೊ (MediaTek Dimensity 7300 Pro) ಪ್ರೊಸೆಸರ್ ದೈನಂದಿನ ಬಳಕೆಗೆ ಯಾವುದೇ ತೊಂದರೆ ಇಲ್ಲದೆ ಸರಾಗವಾಗಿ ಕೆಲಸ ಮಾಡುತ್ತದೆ. ಸಿಂಪಲ್ ಆಗಿ, ಟ್ರೆಂಡಿಯಾಗಿ ಮತ್ತು ಕ್ಲೀನ್ ಸಾಫ್ಟ್ವೇರ್ ಇಷ್ಟಪಡುವವರಿಗೆ ಇದು ಉತ್ತಮ ಆಯ್ಕೆಯಾಗುತ್ತದೆ.
ಕಡಿಮೆ ಬಜೆಟ್ನಲ್ಲಿ 5G ಫೋನ್ ಬೇಕಾ? 👉 ₹10,000 ಒಳಗಿನ ಈ ಬೆಸ್ಟ್ 5G ಮೊಬೈಲ್ಗಳನ್ನು ನೋಡಿ
ಯಾವ ಫೋನ್ ಆಯ್ಕೆ ಮಾಡಬೇಕು?
- ಎಲ್ಲ ವಿಷಯಗಳಲ್ಲೂ (ಡಿಸ್ಪ್ಲೇ, ಕ್ಯಾಮೆರಾ, ಬ್ಯಾಟರಿ) ಸಮತೋಲಿತ ಅನುಭವ ಬೇಕಿದ್ದರೆ Motorola Edge 70 Fusion ಉತ್ತಮ ಆಯ್ಕೆಯಾಗುತ್ತದೆ.
- ಮೊಬೈಲ್ನಲ್ಲಿ ಗೇಮಿಂಗ್ಗೆ ಹೆಚ್ಚು ಪ್ರಾಮುಖ್ಯತೆ ನೀಡುವವರು POCO X7 Pro ಬಗ್ಗೆ ಪರಿಗಣಿಸಬಹುದು.
- ಪದೇ ಪದೇ ಚಾರ್ಜ್ ಮಾಡುವ ಟೆನ್ಷನ್ ಇರಬಾರದು ಎಂದರೆ Realme P4 Power ಅಥವಾ Vivo T5x 5G ಕಡೆ ಗಮನ ಹರಿಸಬಹುದು.
- ಒಮ್ಮೆ ಫೋನ್ ಖರೀದಿಸಿದರೆ 5-6 ವರ್ಷಗಳವರೆಗೆ ಬದಲಾಯಿಸುವ ಯೋಚನೆ ಇಲ್ಲ ಎನ್ನುವವರಿಗೆ Samsung Galaxy A17 5G ಹೆಚ್ಚು ಸೂಕ್ತವಾಗಿರುತ್ತದೆ.
- ವಿಭಿನ್ನ ವಿನ್ಯಾಸ ಮತ್ತು ಜಾಹೀರಾತುಗಳಿಲ್ಲದ ಕ್ಲೀನ್ ಸಾಫ್ಟ್ವೇರ್ ಇಷ್ಟಪಡುವವರು Nothing Phone 3a Lite ಆಯ್ಕೆ ಮಾಡಿಕೊಳ್ಳಬಹುದು.
FAQ – ₹30,000 ಒಳಗಿನ ಬೆಸ್ಟ್ ಮೊಬೈಲ್ಗಳು
01. ₹30,000 ಒಳಗೆ ಯಾವ ಮೊಬೈಲ್ ಬೆಸ್ಟ್?
₹30,000 ಒಳಗೆ ಆಲ್-ರೌಂಡ್ ಫೋನ್ ಹುಡುಕುತ್ತಿದ್ದರೆ Motorola Edge 70 Fusion ಉತ್ತಮ ಆಯ್ಕೆ. ಡಿಸ್ಪ್ಲೇ, ಕ್ಯಾಮೆರಾ, ಬ್ಯಾಟರಿ ಮತ್ತು ಪರ್ಫಾರ್ಮೆನ್ಸ್ ನಡುವೆ ಉತ್ತಮ ಬ್ಯಾಲೆನ್ಸ್ ಇದೆ.
02. ₹30,000 ಒಳಗೆ ಗೇಮಿಂಗ್ಗೆ ಯಾವ ಫೋನ್ ಉತ್ತಮ?
ಗೇಮಿಂಗ್ಗಾಗಿ POCO X7 Pro ಉತ್ತಮ ಆಯ್ಕೆ. ಇದರ ಮೀಡಿಯಾಟೆಕ್ ಡೈಮೆನ್ಸಿಟಿ 8400 ಅಲ್ಟ್ರಾ ಪ್ರೊಸೆಸರ್ ಶಕ್ತಿಶಾಲಿಯಾಗಿದ್ದು, 120Hz AMOLED ಡಿಸ್ಪ್ಲೇ ಕೂಡ ಇದೆ. ಗೇಮಿಂಗ್ಗಾಗಿ ಫೋನ್ ಹುಡುಕುತ್ತಿರುವವರಿಗೆ ಇದು ಒಳ್ಳೆಯ ಆಯ್ಕೆ.
03. ಕ್ಯಾಮೆರಾ ಕ್ವಾಲಿಟಿ ಯಾವ ಫೋನ್ನಲ್ಲಿ ಚೆನ್ನಾಗಿದೆ?
ಹಗಲು ಮತ್ತು ರಾತ್ರಿ ವೇಳೆ ಉತ್ತಮ ಫೋಟೋಗಳನ್ನು ತೆಗೆಯಲು Motorola Edge 70 Fusion ಹಾಗೂ ನ್ಯಾಚುರಲ್ ಫೋಟೋ ನೀಡುವ Samsung Galaxy A17 5G ಚೆನ್ನಾಗಿವೆ.
04. ಅತಿ ಹೆಚ್ಚು ಬ್ಯಾಟರಿ ಬ್ಯಾಕಪ್ ನೀಡುವ ಫೋನ್ ಯಾವುದು?
ಬ್ಯಾಟರಿ ಮುಖ್ಯವಾಗಿದ್ದರೆ Realme P4 Power ಕಡೆ ಗಮನಿಸಬಹುದು. ಇದರಲ್ಲಿ 10,001mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ಇರುವುದರಿಂದ ಚಾರ್ಜ್ ಬಗ್ಗೆ ಹೆಚ್ಚು ಚಿಂತೆ ಮಾಡಬೇಕಾಗಿಲ್ಲ. 80W ಫಾಸ್ಟ್ ಚಾರ್ಜಿಂಗ್ ಕೂಡ ಇದೆ.
05. Samsung Galaxy A17 5G ಖರೀದಿಸಲು ಉತ್ತಮವೇ?
ಸ್ಯಾಮ್ಸಂಗ್ ಫೋನ್ ಇಷ್ಟಪಡುವವರಿಗೆ Galaxy A17 5G ಒಳ್ಳೆಯ ಆಯ್ಕೆಯಾಗಿದೆ. ಸೂಪರ್ AMOLED ಡಿಸ್ಪ್ಲೇ, OIS ಕ್ಯಾಮೆರಾ ಮತ್ತು ದೀರ್ಘಕಾಲದ ಸಾಫ್ಟ್ವೇರ್ ಅಪ್ಡೇಟ್ಗಳು ಇದರ ಪ್ರಮುಖ ವಿಶೇಷತೆಗಳು. ದೀರ್ಘಕಾಲ ಫೋನ್ ಬಳಸುವವರಿಗೆ ಇದು ಹೆಚ್ಚು ಸೂಕ್ತ.












