ದಸರಾ ಬಂತು ಅಂದರೆ ಮನೆಯಲ್ಲಿ ಹೊಸ ವಸ್ತು ತರುವ ಸಂಪ್ರದಾಯ ಅನೇಕರಿಗೆ ಇದ್ದೇ ಇದೆ. ಈ ಬಾರಿ ಹೊಸ ಮೊಬೈಲ್ ತಗೋಬೇಕು ಅಂತ ಯೋಚಿಸುತ್ತಿದ್ದರೆ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ 2026 ಒಳ್ಳೆಯ ಸಮಯ. ಇಂದಿನಿಂದ ಸೇಲ್ ಎಲ್ಲರಿಗೂ ಶುರುವಾಗಿದ್ದು, ಬಜೆಟ್ ಫೋನ್‌ನಿಂದ ಹಿಡಿದು ಫ್ಲ್ಯಾಗ್‌ಶಿಪ್‌ವರೆಗೆ ಹಲವು ಮಾಡೆಲ್‌ಗಳ ಮೇಲೆ ಆಫರ್ ಇದೆ. ನವರಾತ್ರಿ ಅಕ್ಟೋಬರ್ 11ರಿಂದ ಆರಂಭವಾಗುತ್ತಿರುವುದರಿಂದ ಹಬ್ಬದ ಒಳಗೆ ಹೊಸ ಫೋನ್ ಕೈಗೆ ಸೇರಬೇಕು ಅಂದರೆ ಈಗಲೇ ಬೆಲೆ ನೋಡಿಟ್ಟುಕೊಳ್ಳುವುದು ಒಳ್ಳೆಯದು. ಜೊತೆಗೆ ಎಸ್‌ಬಿಐ ಕಾರ್ಡ್‌ಗೆ 10% ರಿಯಾಯಿತಿ ಕೂಡ ಸಿಗುತ್ತದೆ, ಮತ್ತು ಪ್ರೈಮ್ ಸದಸ್ಯರಿಗೆ ಹೆಚ್ಚುವರಿ ಉಳಿತಾಯವೂ ಇದೆ. ಯಾವ ಫೋನ್ ಎಷ್ಟು ಬೆಲೆಗೆ ಸಿಗುತ್ತಿದೆ, ಯಾರಿಗೆ ಯಾವುದು ಸೂಕ್ತ ಎಂಬುದನ್ನು ಇಲ್ಲಿ ಸರಳವಾಗಿ ನೋಡೋಣ.
ಆಫರ್ ಬೆಲೆ ನೋಡೋದು ಹೇಗೆ?
ಅಮೆಜಾನ್ ಪುಟದಲ್ಲಿ ಪ್ರತಿ ಫೋನ್‌ಗೆ ಎರಡು ಬೆಲೆ ಕಾಣುತ್ತದೆ. ಒಂದು ಗೆರೆ ಹೊಡೆದ ಹಳೆಯ ಬೆಲೆ ಮತ್ತು ಇನ್ನೊಂದು ದೊಡ್ಡದಾಗಿ ಬರೆದಿರುವ ಹೊಸ ಬೆಲೆ. ಈ ಹೊಸ ಬೆಲೆಯ ಪಕ್ಕದಲ್ಲಿ ಸ್ಟಾರ್ ಗುರುತಿದೆ, ಅಂದರೆ ಅದರಲ್ಲಿ ಕೂಪನ್ ಅಥವಾ ಬ್ಯಾಂಕ್ ಕಾರ್ಡ್ ರಿಯಾಯಿತಿಯನ್ನು ಸೇರಿಸಲಾಗಿದೆ. ಆ ಕಾರ್ಡ್ ನಿಮ್ಮಲ್ಲಿ ಇಲ್ಲದಿದ್ದರೆ ಪಾವತಿಸಬೇಕಾದ ಮೊತ್ತ ಸ್ವಲ್ಪ ಹೆಚ್ಚಾಗುತ್ತದೆ. ತಿಂಗಳಿಗೆ ಇಷ್ಟು ಅಂತ ಬರೆದಿರುವುದು ಇಎಂಐ, ಮತ್ತು “ನೋ ಕಾಸ್ಟ್” ಅಂದರೆ ಅದಕ್ಕೆ ಬಡ್ಡಿ ಇಲ್ಲ ಎಂದರ್ಥ.
ಪ್ರೀಮಿಯಂ ಫೋನ್‌ಗಳ ಮೇಲೆ ಆಫರ್
ಐಫೋನ್ ಬೇಕು ಅನ್ನುವವರಿಗೆ ಐಫೋನ್ 16 ಇದೆ. ₹89,900 ಇದ್ದ ಈ ಫೋನ್ ಬ್ಯಾಂಕ್ ಆಫರ್ ಜೊತೆ ₹72,249ಕ್ಕೆ ಬಂದಿದೆ, ಇದನ್ನೇ ಅಮೆಜಾನ್ “ವರ್ಷದ ಐಫೋನ್ ಡೀಲ್” ಅಂತ ಕರೆದಿದೆ. ಆಂಡ್ರಾಯ್ಡ್‌ನಲ್ಲಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾ ₹84,999ರಿಂದ ಶುರು, ಜೊತೆಗೆ 9 ತಿಂಗಳ ನೋ ಕಾಸ್ಟ್ ಇಎಂಐ ಕೂಡ ಇದೆ. ಫೋಲ್ಡಬಲ್ ಫೋನ್ ಬೇಕಾದರೆ ಗ್ಯಾಲಕ್ಸಿ Z Fold7 ₹1,29,999ರಿಂದ ಸಿಗುತ್ತದೆ.
ಈ ಪಟ್ಟಿಯಲ್ಲಿ ಹೆಚ್ಚು ಗಮನ ಸೆಳೆಯುವುದು ಶಿಯೋಮಿ 17. ₹1,19,999 ಬೆಲೆಯ ಈ ಫೋನ್ ₹59,999ಕ್ಕೆ ಇಳಿದಿದೆ, ಅಂದರೆ ಬರೋಬ್ಬರಿ ಅರ್ಧದಷ್ಟು ಕಡಿಮೆ ಬೆಲೆಗೆ ಸಿಗುತ್ತಿದೆ. ಒನ್‌ಪ್ಲಸ್ 13s ಅನ್ನು ₹61,499ಕ್ಕೆ ಹಾಗೂ ವಿವೋ X300 FE ಅನ್ನು ₹80,999ಕ್ಕೆ ಕೊಳ್ಳಬಹುದು.
₹25,000ರಿಂದ ₹60,000ರ ನಡುವೆ
ಗೇಮ್ ಆಡುವವರು ಐಕ್ಯೂ 15R ನೋಡಬಹುದು. ₹69,999 ಇದ್ದದ್ದು ಈಗ ₹46,499ಕ್ಕೆ ಬಂದಿದೆ. ಬ್ಯಾಟರಿ ಬಾಳಿಕೆ ಮುಖ್ಯ ಅಂದರೆ ಒನ್‌ಪ್ಲಸ್ ನಾರ್ಡ್ 6 ಉತ್ತಮ ಆಯ್ಕೆ. ಇದರ ಬೆಲೆ ₹42,999 ಮತ್ತು 9000mAh ಬ್ಯಾಟರಿ ಇದೆ ಎಂದು ಅಮೆಜಾನ್ ಹೇಳಿದೆ. ವಿವೋ S2 5G ₹39,999ಕ್ಕೆ ಇಳಿದಿದ್ದು, ರೆಡ್ಮಿ ನೋಟ್ 17 ಪ್ರೊ 5G ₹34,999ಕ್ಕೆ ಲಭ್ಯವಿದೆ.
Also Read: iQOO ಫೋನ್‌ಗಳ ಆಫರ್: ₹15,499ರಿಂದ ಭರ್ಜರಿ ಡಿಸ್ಕೌಂಟ್, ಯಾವುದು ಬೆಸ್ಟ್?
ಸ್ವಲ್ಪ ಕಡಿಮೆ ಬಜೆಟ್‌ನಲ್ಲಿ ಒನ್‌ಪ್ಲಸ್ ನಾರ್ಡ್ CE6 ₹31,999ಕ್ಕೆ, ಗ್ಯಾಲಕ್ಸಿ A56 5G ₹31,999ರಿಂದ ಮತ್ತು ಮೋಟೊರೊಲಾ ಎಡ್ಜ್ 60 ಫ್ಯೂಷನ್ ₹27,999ಕ್ಕೆ ಬರುತ್ತವೆ. ಮೋಟೊರೊಲಾದಲ್ಲಿ 68W ಫಾಸ್ಟ್ ಚಾರ್ಜಿಂಗ್ ಇದೆ.
₹25,000ರ ಒಳಗೆ ಸಾಕು ಅನ್ನೋರಿಗೆ
ಈ ಬೆಲೆಯಲ್ಲಿ ಈ ಬಾರಿ ಒಳ್ಳೆಯ ಆಯ್ಕೆಗಳಿವೆ. ಐಕ್ಯೂ Z11x ₹45,999ರಿಂದ ₹24,999ಕ್ಕೆ ಇಳಿದಿದೆ. ಒನ್‌ಪ್ಲಸ್ N6 ಅನ್ನು ₹21,999ಕ್ಕೆ ಲಭ್ಯವಿದ್ದು, ಇದರಲ್ಲಿ 8000mAh ಬ್ಯಾಟರಿ ಇದೆ. ₹17,499ಕ್ಕೆ ಬರುವ N6xನಲ್ಲಿ 7000mAh ಬ್ಯಾಟರಿ ಇದೆ.
ಇನ್ನೂ ಕೈಗೆಟುಕುವ ಬೆಲೆ ಬೇಕಾದರೆ ರೆಡ್ಮಿ 15C 5G ಪ್ರೈಮ್ ₹15,999, ಐಕ್ಯೂ Z11 ಲೈಟ್ ₹15,499, ಗ್ಯಾಲಕ್ಸಿ M17e ₹16,999ರಿಂದ ಶುರು. ಲಾವಾ ಬೋಲ್ಡ್ N4 ಪ್ರೊ ಮತ್ತು ಟೆಕ್ನೋ POP X ಎರಡರ ಬೆಲೆಯೂ ₹13,999.
₹10,000ರ ಒಳಗಿನ ಫೋನ್‌ಗಳೂ ಇವೆ. ಲಾವಾ ಬೋಲ್ಡ್ N2 ₹8,729, ಐಟೆಲ್ ಝೀನೋ 300 ₹8,684 ಮತ್ತು ಲಾವಾ ಬೋಲ್ಡ್ N4 ಲೈಟ್ ₹7,649 ಬೆಲೆಯಲ್ಲಿ ಸಿಗುತ್ತದೆ. ಕರೆ ಮತ್ತು ವಾಟ್ಸ್‌ಆ್ಯಪ್‌ನಂತಹ ಸಾಮಾನ್ಯ ಬಳಕೆಗೆ ಇವು ಸಾಕಾಗಬಹುದು.
Also Read: ₹25,000 ಒಳಗೆ Best Phone ಯಾವುದು? Top 7 5G Phones ಹೋಲಿಕೆ (2026)
ಆರ್ಡರ್ ಮಾಡುವ ಮುನ್ನ
ಎಸ್‌ಬಿಐ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ 10% ಇನ್‌ಸ್ಟಂಟ್ ಡಿಸ್ಕೌಂಟ್ ಸಿಗುತ್ತಿದೆ. ಆದರೆ ಈ ಆಫರ್‌ಗೆ ಗರಿಷ್ಠ ರಿಯಾಯಿತಿ ಎಷ್ಟು ಎಂಬುದು ಸ್ಕ್ರೀನ್‌ನಲ್ಲಿ ಸ್ಪಷ್ಟವಾಗಿಲ್ಲ. ಸೇಲ್ ನಡೆಯುತ್ತಿದ್ದಂತೆ ಫೋನ್‌ಗಳ ಬೆಲೆಯಲ್ಲೂ ಬದಲಾವಣೆ ಆಗಬಹುದು, ಹಾಗಾಗಿ ಪೇಮೆಂಟ್ ಪುಟದಲ್ಲಿ ಕಾಣುವ ಅಂತಿಮ ಮೊತ್ತವನ್ನೇ ಲೆಕ್ಕಕ್ಕೆ ತೆಗೆದುಕೊಳ್ಳುವುದು ಒಳ್ಳೆಯದು. ಹಳೆಯ ಫೋನ್ ಕೊಡುವುದಾದರೆ ಎಕ್ಸ್‌ಚೇಂಜ್‌ಗೆ ಸಿಗುವ ಮೊತ್ತ ಸರಿಯಾಗಿದೆಯಾ ಅಂತ ಒಮ್ಮೆ ಪರಿಶೀಲಿಸಿ.
ಒಟ್ಟಿನಲ್ಲಿ ಈ ಬಾರಿಯ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ 2026ರಲ್ಲಿ ಎಲ್ಲಾ ಬಜೆಟ್‌ನವರಿಗೂ ಏನಾದರೂ ಇದೆ. ಫ್ಲಿಪ್‌ಕಾರ್ಟ್ ಸೇಲ್ ನಾಳೆ ಶುರುವಾಗುವುದರಿಂದ, ಇಷ್ಟವಾದ ಫೋನ್ ಅಲ್ಲಿ ಎಷ್ಟಕ್ಕಿದೆ ಅಂತ ಹೋಲಿಕೆ ಮಾಡಿ ನಿರ್ಧರಿಸಿ. ಹಬ್ಬದ ಶುಭಾಶಯಗಳು!
