25,000 ರೂಪಾಯಿ ಬಜೆಟ್ ಅಂದ್ರೆ ಈಗ ಮಾರುಕಟ್ಟೆಯಲ್ಲಿ ತುಂಬಾನೇ ಆಯ್ಕೆಗಳಿವೆ. ಪ್ರತಿ ವಾರ ಹೊಸ ಫೋನ್ ಬಿಡುಗಡೆ ಆಗ್ತಿರೋದ್ರಿಂದ, ಯಾವುದನ್ನ ತಗೊಳ್ಳೋದು ಅಂತ ಗೊಂದಲ ಆಗೋದು ಸಹಜ. ಕ್ಯಾಮೆರಾ ಚೆನ್ನಾಗಿರೋ ಫೋನ್ ಬೇಕಾ, ಬ್ಯಾಟರಿ ಜಾಸ್ತಿ ಇರೋದು ಬೇಕಾ, ಅಥವಾ ಗೇಮಿಂಗ್ಗೆ ಸೂಟ್ ಆಗೋ ಪ್ರೊಸೆಸರ್ ಬೇಕಾ ಅನ್ನೋದ್ರ ಮೇಲೆ ನಿಮ್ಮ ಆಯ್ಕೆ ಬದಲಾಗುತ್ತೆ. ಈ ಬಜೆಟ್ ಸೆಗ್ಮೆಂಟ್ನಲ್ಲಿ ಈಗ ಬ್ರಾಂಡ್ಗಳ ನಡುವೆ ಪೈಪೋಟಿ ಜೋರಾಗಿದ್ದು, ಇದರ ನೇರ ಲಾಭ ಗ್ರಾಹಕರಿಗೆ ಸಿಗ್ತಿದೆ – ಮೊದಲು 30,000ಕ್ಕೆ ಸಿಗ್ತಿದ್ದ ಸ್ಪೆಕ್ಸ್ ಈಗ 25,000 ಒಳಗೇ ಸಿಗ್ತಿವೆ. ಆದ್ರೆ ಪ್ರತಿ ಫೋನ್ನಲ್ಲೂ ಒಂದಲ್ಲ ಒಂದು ಕಾಂಪ್ರೊಮೈಸ್ ಇರುತ್ತೆ, ಹಾಗಾಗಿ ಸ್ಪೆಕ್ ಶೀಟ್ ನೋಡಿ ಮಾತ್ರ ನಿರ್ಧಾರ ಮಾಡೋ ಬದಲು ನಿಮ್ಮ ಅಗತ್ಯಕ್ಕೆ ಯಾವುದು ಸರಿಹೊಂದುತ್ತೆ ಅಂತ ನೋಡಿ ಖರೀದಿಸಿ. ಈ ಪೋಸ್ಟ್ನಲ್ಲಿ 25,000 ಒಳಗಿನ 7 ಪ್ರಮುಖ ಫೋನ್ಗಳನ್ನ ಹೋಲಿಸಿ, ಯಾವುದು ಯಾರಿಗೆ ಸೂಟ್ ಆಗುತ್ತೆ ಅಂತ ನೋಡೋಣ.
₹25,000 ಒಳಗಿನ ಬೆಸ್ಟ್ ಫೋನ್ಗಳ ಫೀಚರ್ಸ್ ಹೋಲಿಕೆ
| ಫೋನ್ | ಡಿಸ್ಪ್ಲೇ | ಪ್ರೊಸೆಸರ್ | ಮುಖ್ಯ ಕ್ಯಾಮೆರಾ | ಫ್ರಂಟ್ ಕ್ಯಾಮೆರಾ | ಬ್ಯಾಟರಿ + ಚಾರ್ಜಿಂಗ್ | ಪ್ರಮುಖ Features |
|---|---|---|---|---|---|---|
| Motorola Edge 60 Fusion 5G | 6.67″ 1.5K ಕರ್ವ್ಡ್ pOLED, 120Hz | ಮೀಡಿಯಾಟೆಕ್ ಡೈಮೆನ್ಸಿಟಿ 7400 | 50MP + 13MP | 32MP | 5,500mAh + 68W | IP68 + IP69 |
| POCO X7 Pro 5G | 6.67″ 1.5K AMOLED, 120Hz | ಡೈಮೆನ್ಸಿಟಿ 8400 ಅಲ್ಟ್ರಾ | 50MP + 8MP | 20MP | 6,550mAh + 90W | ಗೇಮಿಂಗ್ಗೆ ಉತ್ತಮ, ಬಾಕ್ಸ್ನಲ್ಲಿ ಚಾರ್ಜರ್ |
| Moto G57 Power 5G | 6.72″ FHD+ LCD, 120Hz | ಸ್ನಾಪ್ಡ್ರ್ಯಾಗನ್ 6s Gen 4 | 50MP Sony LYT | 8MP | 7,000mAh + 33W | ದೊಡ್ಡ ಬ್ಯಾಟರಿ, 120Hz ಡಿಸ್ಪ್ಲೇ |
| Redmi 17 5G | 6.9″ HD+, 120Hz | ಸ್ನಾಪ್ಡ್ರ್ಯಾಗನ್ 4 Gen 5 | 50MP | 8MP | 7,900mAh + 45W | 22.5W ರಿವರ್ಸ್ ಚಾರ್ಜಿಂಗ್ |
| POCO M8x 5G | 6.8″ HD+ LCD, 120Hz | ಸ್ನಾಪ್ಡ್ರ್ಯಾಗನ್ 4 Gen 5 | 50MP | 8MP | 7,900mAh + 45W | IP64, 4 OS ಅಪ್ಡೇಟ್ + 6 ವರ್ಷ ಸೆಕ್ಯುರಿಟಿ ಸಪೋರ್ಟ್ |
| Realme P4x 5G | 6.72″ FHD+ LCD, 144Hz | ಡೈಮೆನ್ಸಿಟಿ 7400 ಅಲ್ಟ್ರಾ | 50MP + 2MP | 8MP | 7,000mAh + 45W | 144Hz ಡಿಸ್ಪ್ಲೇ |
| OnePlus N6 | 6.8″ HD+ LCD, 120Hz | ಡೈಮೆನ್ಸಿಟಿ 6360 Apex | 50MP | 8MP | 8,000mAh + 45W | OxygenOS 16, ಕ್ಲೀನ್ ಸಾಫ್ಟ್ವೇರ್ |
Motorola Edge 60 Fusion 5G
ಡಿಸೈನ್ ಮತ್ತು ಡಿಸ್ಪ್ಲೇ ವಿಚಾರದಲ್ಲಿ ಈ ಫೋನ್ ಗಮನ ಸೆಳೆಯುತ್ತದೆ. ₹22,999ಕ್ಕೆ ಸಿಗುವ 8GB+128GB ವೇರಿಯಂಟ್ನಿಂದ ಆರಂಭವಾಗಿ, 12GB+256GB ವರೆಗೆ ಆಯ್ಕೆಗಳಿವೆ. 6.67 ಇಂಚಿನ ಕರ್ವ್ಡ್ pOLED ಡಿಸ್ಪ್ಲೇ, 1.5K ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ರೇಟ್ ಇರುವುದರಿಂದ, ಸ್ಕ್ರೀನ್ ಕ್ವಾಲಿಟಿಗೆ ಹೆಚ್ಚು ಪ್ರಾಮುಖ್ಯತೆ ಕೊಡುವವರಿಗೆ ಇದು ಒಳ್ಳೆಯ ಆಯ್ಕೆ.
ಪರ್ಫಾರ್ಮೆನ್ಸ್ಗೆ ಮೀಡಿಯಾಟೆಕ್ ಡೈಮೆನ್ಸಿಟಿ 7400 ಚಿಪ್ಸೆಟ್ ಇದ್ದು, ದಿನನಿತ್ಯದ ಬಳಕೆಗೆ ಯಾವುದೇ ದೊಡ್ಡ ಸಮಸ್ಯೆ ಕಾಣಿಸುವುದಿಲ್ಲ. IP68 ಮತ್ತು IP69 ಎರಡೂ ರೇಟಿಂಗ್ಗಳು ಇರೋದು ಈ ಬೆಲೆಯಲ್ಲಿ ಹೆಚ್ಚುವರಿ ಪ್ಲಸ್ ಪಾಯಿಂಟ್. 50MP + 13MP ರಿಯರ್ ಮತ್ತು 32MP ಸೆಲ್ಫಿ ಕ್ಯಾಮೆರಾ ಕೂಡ ಉತ್ತಮವಾಗಿ ಕೆಲಸ ಮಾಡುತ್ತವೆ, ವಿಶೇಷವಾಗಿ ಡೇಲೈಟ್ ಫೋಟೋಗಳಲ್ಲಿ. ಒಟ್ಟಿನಲ್ಲಿ, ₹25,000 ಒಳಗೆ ಪ್ರೀಮಿಯಂ ಡಿಸೈನ್ ಮತ್ತು ಉತ್ತಮ ಡಿಸ್ಪ್ಲೇ ಬೇಕು ಎನ್ನುವವರಿಗೆ ಇದು ಸೂಕ್ತ ಆಯ್ಕೆ.
Poco X7 Pro 5G
“ಗೇಮಿಂಗ್ಗೆ ಯಾವ ಫೋನ್ ತಗೋಬೇಕು?” ಅಂತ ಕೇಳಿದ್ರೆ, ಈ ಲಿಸ್ಟ್ನಲ್ಲಿ ಮೊದಲು ನೆನಪಾಗೋದು ಪೋಕೋ X7 ಪ್ರೊ. ₹23,999ಕ್ಕೆ 8GB+256GB ವೇರಿಯಂಟ್ ಸಿಗುತ್ತೆ. ಇದರಲ್ಲಿರುವ ಡೈಮೆನ್ಸಿಟಿ 8400 ಅಲ್ಟ್ರಾ ಚಿಪ್ಸೆಟ್ ಈ ಬೆಲೆಯಲ್ಲಿ ಸಿಗುವ ಫೋನ್ಗಳಲ್ಲಿ ಉತ್ತಮ ಪರ್ಫಾರ್ಮೆನ್ಸ್ ನೀಡುತ್ತೆ. 1.5K AMOLED ಡಿಸ್ಪ್ಲೇ ಮತ್ತು 120Hz ರಿಫ್ರೆಶ್ ರೇಟ್ ಇರೋದ್ರಿಂದ ಗೇಮಿಂಗ್ ಮಾತ್ರವಲ್ಲ, ವೀಡಿಯೊ ನೋಡುವ ಅನುಭವವೂ ಚೆನ್ನಾಗಿರುತ್ತೆ.
6,550mAh ಬ್ಯಾಟರಿ ಜೊತೆ 90W ಫಾಸ್ಟ್ ಚಾರ್ಜಿಂಗ್ ಇರೋದು ಮತ್ತೊಂದು ಪ್ಲಸ್. ಅದರಲ್ಲೂ ಬಾಕ್ಸ್ನಲ್ಲೇ ಚಾರ್ಜರ್ ಸಿಗುತ್ತೆ ಅನ್ನೋದು ಈಗಿನ ಕಾಲದಲ್ಲಿ ಒಳ್ಳೆಯ ವಿಚಾರ. ಪೂರ್ತಿ ದಿನ ಫೋನ್ ಬಳಸೋರು, ಆಗಾಗ ಹೆವಿ ಗೇಮ್ಸ್ ಆಡೋರು ಅಥವಾ ಪರ್ಫಾರ್ಮೆನ್ಸ್ಗೆ ಹೆಚ್ಚು ಪ್ರಾಮುಖ್ಯತೆ ಕೊಡುವವರಿಗೆ, ₹25,000 ಒಳಗೆ ಪೋಕೋ X7 ಪ್ರೊ 5Gಗಿಂತ ಉತ್ತಮ ಆಯ್ಕೆ ಹುಡುಕೋದು ಕಷ್ಟ.
Motorola G57 Power 5G
ಬಜೆಟ್ ಇನ್ನೂ ಕಡಿಮೆ ಇಟ್ಟುಕೊಂಡು, ಬ್ಯಾಟರಿ ವಿಚಾರದಲ್ಲಿ ಯಾವುದೇ ಕಾಂಪ್ರಮೈಸ್ ಬೇಡ ಅಂದ್ರೆ ಮೋಟೊ G57 ಪವರ್ ಕಡೆ ನೋಡಬಹುದು. ಸುಮಾರು ₹21,999ಕ್ಕೆ ಸಿಗುವ ಈ ಫೋನ್ನಲ್ಲಿ ಸ್ನಾಪ್ಡ್ರ್ಯಾಗನ್ 6s Gen 4 ಪ್ರೊಸೆಸರ್ ಜೊತೆ ಬರೋಬ್ಬರಿ 7,000mAh ಬ್ಯಾಟರಿ ಇದೆ. ಟ್ರಾವೆಲ್ ಮಾಡುವಾಗ ಅಥವಾ ಆಫೀಸ್ ಕೆಲಸದಲ್ಲಿ ದಿನವಿಡೀ ಫೋನ್ ಬಳಸುವಾಗ ಪದೇಪದೇ ಚಾರ್ಜರ್ ಹುಡುಕುವ ಟೆನ್ಶನ್ ಕಡಿಮೆ ಮಾಡೋಷ್ಟು ಬ್ಯಾಟರಿ ಬ್ಯಾಕಪ್ ಇಲ್ಲಿ ಸಿಗುತ್ತೆ.
6.72 ಇಂಚಿನ FHD+ LCD ಡಿಸ್ಪ್ಲೇ 120Hz ರಿಫ್ರೆಶ್ ರೇಟ್ ಹೊಂದಿದ್ದು, ಸ್ಕ್ರೋಲಿಂಗ್ ಮತ್ತು ಸಾಮಾನ್ಯ ಬಳಕೆಯಲ್ಲಿ ಸ್ಮೂತ್ ಆಗಿರುತ್ತೆ. 50MP Sony LYT ಕ್ಯಾಮೆರಾ ಕೂಡ ಈ ಬೆಲೆಗೆ ತಕ್ಕಮಟ್ಟಿಗೆ ಉತ್ತಮ ಫೋಟೋಗಳನ್ನು ನೀಡುತ್ತೆ. AMOLED ಡಿಸ್ಪ್ಲೇ ಇಲ್ಲ ಅನ್ನೋದು ಮಾತ್ರ ಇದರ ಒಂದು ಕೊರತೆ. ಆದರೆ ಬ್ಯಾಟರಿ ನಿಮ್ಮ ಮೊದಲ ಆದ್ಯತೆಯಾಗಿದ್ರೆ, ಮೋಟೊ G57 ಪವರ್ ಈ ಬಜೆಟ್ನಲ್ಲಿ ಸೇಫ್ ಆಯ್ಕೆ.
Redmi 17 5G
ಸೆಪ್ಟೆಂಬರ್ 3ರಂದು ಬಿಡುಗಡೆಯಾದ ಹೊಸ ಫೋನ್ ಇದು. 6GB+128GB ವೇರಿಯಂಟ್ ₹23,999ಕ್ಕೆ ಸಿಗುತ್ತೆ, 8GB+128GB ವೇರಿಯಂಟ್ಗೆ ₹26,999 ಬೆಲೆ ಇದೆ. ಇದರ ಪ್ರಮುಖ ಹೈಲೈಟ್ 7,900mAh ಬ್ಯಾಟರಿ. ಜೊತೆಗೆ 22.5W ರಿವರ್ಸ್ ಚಾರ್ಜಿಂಗ್ ಕೂಡ ಇರೋದ್ರಿಂದ, ಅಗತ್ಯ ಬಿದ್ದಾಗ ಬೇರೆ ಡಿವೈಸ್ಗಳನ್ನೂ ಚಾರ್ಜ್ ಮಾಡಬಹುದು. ಅಷ್ಟು ದೊಡ್ಡ ಬ್ಯಾಟರಿ ಇರೋದ್ರಿಂದ ಪವರ್ ಬ್ಯಾಂಕ್ ತೆಗೆದುಕೊಂಡು ಹೋಗೋ ಅವಶ್ಯಕತೆ ಕೂಡ ಕಡಿಮೆಯಾಗುತ್ತೆ.
ಆದ್ರೆ ಇಲ್ಲಿ ಒಂದು ವಿಷಯ ಗಮನಿಸಬೇಕು. 6.9 ಇಂಚಿನ ದೊಡ್ಡ ಡಿಸ್ಪ್ಲೇ ಇದ್ರೂ, ರೆಸಲ್ಯೂಶನ್ HD+ ಅಂದ್ರೆ 720p ಮಾತ್ರ. ₹24,000 ಹತ್ತಿರ ಕೊಟ್ಟು ಫೋನ್ ಖರೀದಿಸುವಾಗ FHD+ ಡಿಸ್ಪ್ಲೇ ನಿರೀಕ್ಷಿಸುವುದು ಸಹಜ. ವಿಶೇಷವಾಗಿ ಪುಸ್ತಕ ಓದೋರು, ಹೆಚ್ಚು ಟೈಪ್ ಮಾಡೋರು ಅಥವಾ ಸಣ್ಣ ಅಕ್ಷರಗಳನ್ನ ಜಾಸ್ತಿ ನೋಡುವವರಿಗೆ ಈ ವ್ಯತ್ಯಾಸ ಸ್ವಲ್ಪ ಗೊತ್ತಾಗಬಹುದು. ಬ್ಯಾಟರಿ ಮುಖ್ಯವಾಗಿದ್ದರೆ ಇದು ಒಳ್ಳೆಯ ಆಯ್ಕೆ, ಆದರೆ ಡಿಸ್ಪ್ಲೇ ಕ್ವಾಲಿಟಿ ಕೂಡ ಮುಖ್ಯ ಅನ್ನೋರಿಗೆ ಈ ವಿಷಯವನ್ನು ಗಮನದಲ್ಲಿಟ್ಟುಕೊಳ್ಳಬೇಕು.
POCO M8x 5G
ಬ್ಯಾಟರಿ ವಿಚಾರಕ್ಕೆ ಬಂದರೆ, ಪೋಕೋ M8x 5G ಕೂಡ ದೊಡ್ಡ ಬ್ಯಾಟರಿಯನ್ನೇ ತನ್ನ ಪ್ರಮುಖ ಹೈಲೈಟ್ ಆಗಿ ಮಾಡಿಕೊಂಡಿದೆ. ₹20,999ಕ್ಕೆ 4GB+128GB ಮತ್ತು ₹22,999ಕ್ಕೆ 6GB+128GB ವೇರಿಯಂಟ್ ಸಿಗುತ್ತೆ. ಸ್ನಾಪ್ಡ್ರ್ಯಾಗನ್ 4 Gen 5 ಚಿಪ್ಸೆಟ್ ಜೊತೆ ಬರೋಬ್ಬರಿ 7,900mAh ಬ್ಯಾಟರಿ ಇರೋದ್ರಿಂದ, ಬ್ಯಾಟರಿ ಬ್ಯಾಕಪ್ಗೆ ಆದ್ಯತೆ ಕೊಡುವವರಿಗೆ ಇದು ಒಳ್ಳೆಯ ಆಯ್ಕೆ. IP64 ರೇಟಿಂಗ್ ಇರೋದ್ರಿಂದ ಸಣ್ಣಪುಟ್ಟ ನೀರು ಬಿದ್ದರೂ ಫೋನ್ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳಬೇಕಾಗಿಲ್ಲ.
ಇನ್ನೊಂದು ಒಳ್ಳೆಯ ವಿಚಾರ ಅಂದ್ರೆ, ಪೋಕೋ ಈ ಫೋನ್ಗೆ 4 OS ಅಪ್ಡೇಟ್ಗಳು ಮತ್ತು 6 ವರ್ಷಗಳ ಸೆಕ್ಯುರಿಟಿ ಅಪ್ಡೇಟ್ಗಳನ್ನ ನೀಡ್ತಿದೆ. ₹25,000ದ ಆಸುಪಾಸಿನ ಫೋನ್ಗೆ ಇಷ್ಟು ವರ್ಷಗಳ ಸಾಫ್ಟ್ವೇರ್ ಸಪೋರ್ಟ್ ಸಿಗೋದು ನಿಜಕ್ಕೂ ಪ್ಲಸ್ ಪಾಯಿಂಟ್. ಕ್ಯಾಮೆರಾ ಅಥವಾ ಡಿಸ್ಪ್ಲೇ ವಿಚಾರದಲ್ಲಿ ದೊಡ್ಡ ವಿಶೇಷತೆ ಇಲ್ಲದಿದ್ರೂ, “ಫೋನ್ ಚೆನ್ನಾಗಿ ಕೆಲಸ ಮಾಡಬೇಕು, ಹಲವು ವರ್ಷ ಬಳಸಬೇಕು” ಅನ್ನೋರಿಗೆ ಪೋಕೋ M8x 5G ಒಳ್ಳೆಯ ಆಯ್ಕೆ.
Realme P4x 5G
ಕಡಿಮೆ ದುಡ್ಡಲ್ಲಿ ಜಾಸ್ತಿ ಸ್ಪೆಕ್ಸ್ ಬೇಕು ಅನ್ನೋರಿಗೆ, ಈ ಲಿಸ್ಟ್ನಲ್ಲಿ ಇದು ಬೆಸ್ಟ್ ಡೀಲ್ ಅನಿಸಬಹುದು. 6GB+128GB ವೇರಿಯಂಟ್ ಸುಮಾರು ₹24,999ಕ್ಕೆ ಸಿಗುತ್ತೆ. ಡೈಮೆನ್ಸಿಟಿ 7400 ಅಲ್ಟ್ರಾ ಚಿಪ್ಸೆಟ್ ಇರೋದ್ರಿಂದ, ಇದೇ ಬೆಲೆಯಲ್ಲಿರುವ ಬೇರೆ ಫೋನ್ಗಳಿಗೆ ಹೋಲಿಸಿದ್ರೆ ಪರ್ಫಾರ್ಮೆನ್ಸ್ ಕೂಡ ಚೆನ್ನಾಗಿದೆ.
FHD+ LCD ಡಿಸ್ಪ್ಲೇ ಜೊತೆ 144Hz ರಿಫ್ರೆಶ್ ರೇಟ್ ಸಿಗುತ್ತೆ. ಇಷ್ಟು ಕಡಿಮೆ ಬೆಲೆಗೆ 144Hz ಡಿಸ್ಪ್ಲೇ ಇರೋದು ನಿಜಕ್ಕೂ ಪ್ಲಸ್ ಪಾಯಿಂಟ್. ಇದರ ಜೊತೆಗೆ 7,000mAh ಬ್ಯಾಟರಿ ಮತ್ತು 45W ಫಾಸ್ಟ್ ಚಾರ್ಜಿಂಗ್ ಕೂಡ ಇದೆ. ಕಡಿಮೆ ಖರ್ಚಿನಲ್ಲಿ ಒಳ್ಳೆಯ ಸ್ಪೆಕ್ಸ್ ಬೇಕು ಅನ್ನೋರಿಗೆ, ಇದು ಈ ಲಿಸ್ಟ್ನಲ್ಲಿರುವ ಟಾಪ್ ಆಯ್ಕೆಗಳಲ್ಲಿ ಒಂದು.
OnePlus N6 5G
ಒನ್ಪ್ಲಸ್ ಫೋನ್ ತಗೋಬೇಕು, ಬಜೆಟ್ ಮಾತ್ರ ಕಡಿಮೆ ಇರಬೇಕು ಅನ್ನೋರಿಗೆ N6 ನೋಡಬಹುದು. ₹22,999ಕ್ಕೆ 4GB+128GB ವೇರಿಯಂಟ್ ಸಿಗುತ್ತೆ, 6GB+128GB ವೇರಿಯಂಟ್ಗೆ ₹24,999 ಬೆಲೆ ಇದೆ. ಇದರಲ್ಲಿ ಡೈಮೆನ್ಸಿಟಿ 6360 Apex ಚಿಪ್ಸೆಟ್ ಇರೋದ್ರಿಂದ, ಇದನ್ನ ಗೇಮಿಂಗ್ ಫೋನ್ ಅಂತ ನಿರೀಕ್ಷೆ ಮಾಡೋದು ಬೇಡ. ಕಾಲ್, ಮೆಸೇಜ್, ಸೋಶಿಯಲ್ ಮೀಡಿಯಾ ಮತ್ತು ದಿನನಿತ್ಯದ ಸಾಮಾನ್ಯ ಬಳಕೆಗೆ ಬೇಕಾದಷ್ಟು ಪರ್ಫಾರ್ಮೆನ್ಸ್ ಸಿಗುತ್ತೆ.
ಇದರಲ್ಲಿರುವ 8,000mAh ಬ್ಯಾಟರಿಯೇ ದೊಡ್ಡ ಹೈಲೈಟ್. OxygenOS 16 ಕೂಡ ಕ್ಲೀನ್ ಆಗಿದ್ದು, ಅನಗತ್ಯ ಬ್ಲೋಟ್ವೇರ್ ಅಥವಾ ಜಾಹೀರಾತುಗಳ ಕಿರಿಕಿರಿ ಇಲ್ಲ ಅನ್ನೋದು ಮತ್ತೊಂದು ಪ್ಲಸ್. ಆದ್ರೆ ಡಿಸ್ಪ್ಲೇ ಮಾತ್ರ HD+ ಆಗಿದೆ, ಕ್ಯಾಮೆರಾ ಕೂಡ ಜಸ್ಟ್ ಆವರೇಜ್. ಹಾಗಾಗಿ ಒನ್ಪ್ಲಸ್ ಬ್ರಾಂಡ್ ಬೇಕು ಮತ್ತು ಬ್ಯಾಟರಿ ಬ್ಯಾಕಪ್ ಕೂಡ ಮುಖ್ಯ ಅನ್ನೋರಿಗೆ N6 ಒಂದು ಒಳ್ಳೆಯ ಆಯ್ಕೆ.
ಯಾವ ಫೋನ್ ನಿಮಗೆ ಸೂಕ್ತ?
ಡಿಸ್ಪ್ಲೇ ಮತ್ತು ಡಿಸೈನ್ಗೆ ಹೆಚ್ಚು ಪ್ರಾಮುಖ್ಯತೆ ಕೊಡುವವರಿಗೆ ಮೊಟೊರೊಲಾ ಎಡ್ಜ್ 60 ಫ್ಯೂಷನ್. ಗೇಮಿಂಗ್ ಮತ್ತು ಜಾಸ್ತಿ ಪರ್ಫಾರ್ಮೆನ್ಸ್ ಬೇಕು ಅನ್ನೋರಿಗೆ ಪೋಕೋ X7 ಪ್ರೊ 5G. ಬ್ಯಾಟರಿಯೇ ನಿಮ್ಮ ಮೊದಲ priority ಆಗಿದ್ರೆ ರೆಡ್ಮಿ 17 5G, ಪೋಕೋ M8x ಅಥವಾ ಒನ್ಪ್ಲಸ್ N6 ಕಡೆ ನೋಡಬಹುದು. ಈ ಮೂರೂ ಫೋನ್ಗಳಲ್ಲಿ ದೊಡ್ಡ ಬ್ಯಾಟರಿ ಸಿಗುತ್ತೆ, ಆದರೆ ಡಿಸ್ಪ್ಲೇ ವಿಚಾರದಲ್ಲಿ HD+ಗೆ ಸೀಮಿತವಾಗಿರುವುದನ್ನ ಗಮನದಲ್ಲಿಟ್ಟುಕೊಳ್ಳಿ.
ಬಜೆಟ್ ಇನ್ನೂ ಕಡಿಮೆ ಇಟ್ಟುಕೊಂಡು, ಸ್ಮೂತ್ ಸ್ಕ್ರೀನ್ ಬೇಕು ಅನ್ನೋರಿಗೆ ರಿಯಲ್ಮಿ P4x ಅಥವಾ ಮೋಟೊ G57 ಪವರ್ ಕಡೆ ನೋಡಬಹುದು. ಒಟ್ಟಿನಲ್ಲಿ, “ಬೆಸ್ಟ್ ಫೋನ್” ಅನ್ನೋದಕ್ಕೆ ಎಲ್ಲರಿಗೂ ಒಂದೇ ಉತ್ತರ ಇರಲ್ಲ. ನಿಮ್ಮ ಬಳಕೆ ಹೇಗಿದೆ ಅನ್ನೋದರ ಮೇಲೆ ಅದು ಬದಲಾಗುತ್ತೆ. ಫೋಟೋ ಮುಖ್ಯನಾ, ಡಿಸ್ಪ್ಲೇ ಮುಖ್ಯನಾ, ಬ್ಯಾಟರಿ ಮುಖ್ಯನಾ ಅನ್ನೋದನ್ನ ಮೊದಲು ನಿರ್ಧರಿಸಿಕೊಂಡು, ಆಮೇಲೆ ನಿಮ್ಮ ಅಗತ್ಯಕ್ಕೆ ತಕ್ಕ ಫೋನ್ ಆಯ್ಕೆ ಮಾಡಿಕೊಳ್ಳಿ. ಬೆಲೆಗಳು ಆಗಾಗ ಬದಲಾಗುತ್ತಿರುತ್ತವೆ, ಹಾಗಾಗಿ ಖರೀದಿಸುವ ಮುನ್ನ Amazon ಅಥವಾ Flipkartನಲ್ಲಿ ಒಮ್ಮೆ ಬೆಲೆ ಚೆಕ್ ಮಾಡಿಕೊಳ್ಳುವುದು ಒಳ್ಳೆಯದು.
₹30,000 ಒಳಗೆ ಫೋನ್ ಖರೀದಿಸುವ ಯೋಚನೆ ಇದೆಯಾ? ಈ 6 ಆಯ್ಕೆಗಳು ನಿಮಗಾಗಿ
ಪದೇಪದೇ ಕೇಳಲಾಗುವ ಪ್ರಶ್ನೆಗಳು (FAQ)
1. ₹25,000 ಒಳಗೆ ಬೆಸ್ಟ್ ಗೇಮಿಂಗ್ ಫೋನ್ ಯಾವುದು?
ಗೇಮಿಂಗ್ಗೆ ಪೋಕೋ X7 ಪ್ರೊ 5G ಒಳ್ಳೆಯ ಆಯ್ಕೆ. ಡೈಮೆನ್ಸಿಟಿ 8400 ಅಲ್ಟ್ರಾ ಚಿಪ್ಸೆಟ್ ಇರೋದ್ರಿಂದ ಹೆವಿ ಗೇಮ್ಸ್ ಆಡೋಕೆ ಬೇಕಾದ ಪರ್ಫಾರ್ಮೆನ್ಸ್ ಇಲ್ಲಿ ಚೆನ್ನಾಗಿ ಸಿಗುತ್ತೆ.
2. ಬ್ಯಾಟರಿ ಜಾಸ್ತಿ ಇರೋ ಫೋನ್ ಯಾವುದು?
ಒನ್ಪ್ಲಸ್ N6 ನಲ್ಲಿ 8,000mAh ಬ್ಯಾಟರಿ ಇದೆ. ರೆಡ್ಮಿ 17 5G ಮತ್ತು ಪೋಕೋ M8x ಕೂಡ 7,900mAh ಬ್ಯಾಟರಿ ಜೊತೆ ಬರುತ್ತವೆ. ಬ್ಯಾಟರಿ ಬ್ಯಾಕಪ್ ಮುಖ್ಯ ಅಂದ್ರೆ ಈ ಮೂರನ್ನೂ ಪರಿಗಣಿಸಬಹುದು.
3. ಕ್ಯಾಮೆರಾ ಚೆನ್ನಾಗಿರೋ ಫೋನ್ ಯಾವುದು?
ಮೊಟೊರೊಲಾ ಎಡ್ಜ್ 60 ಫ್ಯೂಷನ್ ಕಡೆ ನೋಡಬಹುದು. 50MP ಮೇನ್ ಕ್ಯಾಮೆರಾ ಮತ್ತು 32MP ಸೆಲ್ಫಿ ಕ್ಯಾಮೆರಾ ಇರೋದ್ರಿಂದ, ಫೋಟೋಗೆ ಹೆಚ್ಚು ಪ್ರಾಮುಖ್ಯತೆ ಕೊಡುವವರಿಗೆ ಇದು ಒಳ್ಳೆಯ ಆಯ್ಕೆ.
4. AMOLED ಡಿಸ್ಪ್ಲೇ ಯಾವ ಫೋನ್ಗಳಲ್ಲಿ ಇದೆ?
ಮೊಟೊರೊಲಾ ಎಡ್ಜ್ 60 ಫ್ಯೂಷನ್ ಮತ್ತು ಪೋಕೋ X7 ಪ್ರೊನಲ್ಲಿ AMOLED ಡಿಸ್ಪ್ಲೇ ಸಿಗುತ್ತೆ. ಉಳಿದ ಫೋನ್ಗಳಲ್ಲಿ LCD ಡಿಸ್ಪ್ಲೇ ಇದೆ.
5. ₹25,000 ಒಳಗೆ ಈ ಲಿಸ್ಟ್ನಲ್ಲಿ ಬೆಸ್ಟ್ ಯಾವುದು?
ಮೊಟೊರೊಲಾ ಎಡ್ಜ್ 60 ಫ್ಯೂಷನ್ ಒಳ್ಳೆಯ ಆಲ್ರೌಂಡರ್ ಆಯ್ಕೆ. ಆದರೆ ಗೇಮಿಂಗ್ ಮತ್ತು ಜಾಸ್ತಿ ಪರ್ಫಾರ್ಮೆನ್ಸ್ ಬೇಕು ಅನ್ನೋರಿಗೆ ಪೋಕೋ X7 ಪ್ರೊ 5G ಹೆಚ್ಚು ಸೂಕ್ತ.
6. ಫಾಸ್ಟ್ ಚಾರ್ಜಿಂಗ್ನಲ್ಲಿ ಯಾವ ಫೋನ್ ಮುಂದಿದೆ?
ಪೋಕೋ X7 ಪ್ರೊ 5G ಇಲ್ಲಿ ಮುಂದಿದೆ. 90W ಫಾಸ್ಟ್ ಚಾರ್ಜಿಂಗ್ ಜೊತೆಗೆ ಬಾಕ್ಸ್ನಲ್ಲೇ ಚಾರ್ಜರ್ ಸಿಗೋದು ಕೂಡ ಇದರ ಪ್ಲಸ್ ಪಾಯಿಂಟ್.
