ವಿವೋ (Vivo) ಕಂಪನಿ ತನ್ನ ಜನಪ್ರಿಯ V-ಸೀರೀಸ್‌ನ ಹೊಸ ಫೋನ್ ವಿವೋ V80 (Vivo V80) ಅನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸೋಕೆ ಸಿದ್ಧವಾಗಿದೆ. ಫೆಬ್ರವರಿಯಲ್ಲಿ ಬಿಡುಗಡೆಯಾಗಿದ್ದ V70 ಫೋನ್ ಪ್ರೀಮಿಯಂ ಮಿಡ್-ರೇಂಜ್ ಸೆಗ್ಮೆಂಟ್‌ನಲ್ಲಿ ಒಳ್ಳೆ ಹೆಸರು ಗಳಿಸಿತ್ತು. ಈಗ ಅದೇ ಸರಣಿಯ ಮುಂದಿನ ಆವೃತ್ತಿ ಬರ್ತಿದೆ. ಕಂಪನಿ ಈಗಾಗಲೇ ಅಧಿಕೃತ ಲ್ಯಾಂಡಿಂಗ್ ಪೇಜ್ ಲೈವ್ ಮಾಡಿದ್ದು, ಫೋನ್‌ನ ಡಿಸೈನ್, ಕ್ಯಾಮೆರಾ ಮತ್ತು ಬ್ಯಾಟರಿ ಬಗ್ಗೆ ಸ್ಪಷ್ಟ ಮಾಹಿತಿ ಕೊಟ್ಟಿದೆ. ಜೊತೆಗೆ Flipkart ನಲ್ಲಿ ಈಗಾಗಲೇ ಫೋನ್‌ನ ಮೈಕ್ರೋಸೈಟ್ ಕೂಡ ಲೈವ್ ಆಗಿದ್ದು, ಬಿಡುಗಡೆ ಹತ್ತಿರ ಬಂದಿದೆ ಅನ್ನೋದು ಸ್ಪಷ್ಟ ಆಗ್ತಿದೆ. ಇಲ್ಲಿ ಫೋನ್ ಬಗ್ಗೆ ಗೊತ್ತಿರೋ ಎಲ್ಲಾ ಅಧಿಕೃತ ಮಾಹಿತಿಯನ್ನ ಸರಳವಾಗಿ ತಿಳಿದುಕೊಳ್ಳೋಣ.
ಡಿಸೈನ್‌ನಲ್ಲಿ ಏನಿದೆ ಹೊಸತು?
V80 ಫೋನ್‌ನ ಅತಿ ದೊಡ್ಡ ಆಕರ್ಷಣೆ ಅಂದ್ರೆ ಅದರ ಫ್ಲಾಗ್‌ಶಿಪ್ ಮಟ್ಟದ ಒಂದೇ-ಪೀಸ್ ಕೋಲ್ಡ್-ಕಾರ್ವ್ಡ್ ಗ್ಲಾಸ್ ಬ್ಯಾಕ್ ಡಿಸೈನ್. ಇದರ ಜೊತೆಗೆ ಫ್ಲೋಟಿಂಗ್ ಕ್ಯಾಮೆರಾ ಮಾಡ್ಯೂಲ್ ಕೂಡ ಇದ್ದು, ಫೋನ್‌ಗೆ ಇನ್ನಷ್ಟು ಪ್ರೀಮಿಯಂ ಲುಕ್ ಕೊಡುತ್ತೆ. ಇದು ಮೂರು ಬಣ್ಣಗಳ ಆಯ್ಕೆಯಲ್ಲಿ ಬರುತ್ತೆ. ಬೆಳಗಿನ ಬೆಳಕಿನಂತೆ ಕಾಣುವ ಸನ್‌ರೈಸ್ ಆಂಥಮ್ (Sunrise Anthem), ಗಾಢ ನೀಲಿ ಬಣ್ಣದ ಹರೈಸನ್ ಬ್ಲೂ (Horizon Blue) ಮತ್ತು ಸ್ಲೀಕ್ ಬ್ಲ್ಯಾಕ್ ಫಿನಿಶ್‌ನ ಸ್ಟೆಲ್ಲರ್ ಬ್ಲ್ಯಾಕ್ (Stellar Black) ಬಣ್ಣಗಳಲ್ಲಿ ಫೋನ್ ಲಭ್ಯವಿರುತ್ತದೆ.
ಕ್ಯಾಮೆರಾದಲ್ಲಿ ದೊಡ್ಡ ಅಪ್‌ಗ್ರೇಡ್
ವಿವೋ V80ನಲ್ಲಿ ಕ್ಯಾಮೆರಾಗೆ ಹೆಚ್ಚು ಗಮನ ಕೊಡಲಾಗಿದೆ. 50MP ZEISS ಮುಖ್ಯ ಕ್ಯಾಮೆರಾದಲ್ಲಿ Sony LYTIA 700V ಸೆನ್ಸರ್, OIS ಮತ್ತು CIPA 4.5 ಸ್ಟೆಬಿಲೈಸೇಶನ್ ಸಪೋರ್ಟ್ ಇದೆ. ಇದರ ಜೊತೆಗೆ Sony IMX882 ಸೆನ್ಸರ್ ಹೊಂದಿರುವ 50MP ZEISS ನೈಟ್ ಟೆಲಿಫೋಟೋ ಕ್ಯಾಮೆರಾ ಕೂಡ ಇದ್ದು, 3x ಆಪ್ಟಿಕಲ್ ಝೂಮ್ ಮತ್ತು 100x ವರೆಗೆ ಡಿಜಿಟಲ್ ಝೂಮ್ ಮಾಡುತ್ತದೆ. ಇದಕ್ಕೆ ಪೂರಕವಾಗಿ ZEISS ಅಲ್ಟ್ರಾ ವೈಡ್-ಆಂಗಲ್ ಕ್ಯಾಮೆರಾ ಕೂಡ ನೀಡಲಾಗಿದೆ. ಸೆಲ್ಫಿ ಕ್ಯಾಮೆರಾ ವಿಚಾರದಲ್ಲೂ ವಿವೋ ಒಳ್ಳೆಯ ಅಪ್‌ಗ್ರೇಡ್ ನೀಡಿದ್ದು, 92° ವೈಡ್-ಆಂಗಲ್ ಲೆನ್ಸ್ ಮತ್ತು ಆಟೋಫೋಕಸ್ ಹೊಂದಿರುವ 50MP ZEISS ಗ್ರೂಪ್ ಕ್ಯಾಮೆರಾ ಫೋನ್‌ನಲ್ಲಿದೆ.
ವಿಡಿಯೋ ವಿಷಯದಲ್ಲೂ ಫೋನ್ ಸಾಕಷ್ಟು ಆಯ್ಕೆಗಳನ್ನು ನೀಡುತ್ತದೆ. 4K ಸಿನಿಮ್ಯಾಟಿಕ್ ವಿಡಿಯೋ ಮತ್ತು 4K 60fps ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಇದ್ದು, ವೈಬ್ರಂಟ್ (Vibrant), ಮಾಡರ್ನ್ ಮೂವಿ (Modern Movie) ಮತ್ತು ಪ್ಯಾಸ್ಟೆಲ್ (Pastel) ಎಂಬ ಮೂರು ಮೂವಿ-ಸ್ಟೈಲ್ ಕಲರ್ ಟೋನ್ಸ್ ಕೂಡ ಸಿಗುತ್ತವೆ. ಇನ್ನು AI ಕ್ರಿಯೇಟಿವ್ ಕ್ಯಾಮೆರಾ ಫೀಚರ್ ಒಂದೇ ಟ್ಯಾಪ್‌ನಲ್ಲಿ ಫೋಟೋಗೆ ಲೈಟಿಂಗ್ ಎಫೆಕ್ಟ್ ಸೇರಿಸಲು ಸಹಾಯ ಮಾಡುತ್ತದೆ. ಸೋಶಿಯಲ್ ಮೀಡಿಯಾಗಾಗಿ ಫೋಟೋ ಮತ್ತು ವಿಡಿಯೋಗಳನ್ನು ಕ್ರಿಯೇಟ್ ಮಾಡೋರಿಗೆ ಈ ಫೀಚರ್ ಉಪಯುಕ್ತವಾಗಬಹುದು.
ಬ್ಯಾಟರಿ ಮತ್ತು ಡಿಸ್ಪ್ಲೇ – ಫೋನ್‌ನ ಪ್ರಮುಖ ಹೈಲೈಟ್
ವಿವೋ ಇದನ್ನ “V-ಸೀರೀಸ್‌ನ ಅತಿ ದೊಡ್ಡ ಬ್ಯಾಟರಿ” ಎಂದು ಹೇಳಿಕೊಂಡಿದೆ. 7200mAh BlueVolt ಬ್ಯಾಟರಿ ಜೊತೆಗೆ 90W ಫ್ಲಾಶ್‌ಚಾರ್ಜ್ ಕೊಡಲಾಗಿದ್ದು, ಫಾಸ್ಟ್ ಚಾರ್ಜಿಂಗ್ ಮೋಡ್‌ನಲ್ಲಿ ಕೇವಲ 30 ನಿಮಿಷದಲ್ಲಿ 50% ಚಾರ್ಜ್ ಆಗುತ್ತೆ ಎಂದು ಕಂಪನಿ ತಿಳಿಸಿದೆ. ಒಂದೇ ಫುಲ್ ಚಾರ್ಜ್‌ನಲ್ಲಿ 39.5 ಗಂಟೆ ವಿಡಿಯೋ ಪ್ಲೇಬ್ಯಾಕ್ ಸಿಗುತ್ತೆ ಎಂಬ ಮಾಹಿತಿ ಇದ್ದು, ಹೆಚ್ಚು ಸಮಯ ಫೋನ್ ಬಳಸೋರಿಗೆ ಇದು ಖಂಡಿತ ಒಳ್ಳೆ ವಿಚಾರ.
ಡಿಸ್ಪ್ಲೇ ವಿಷಯಕ್ಕೆ ಬಂದ್ರೆ, 6.59 ಇಂಚಿನ 144Hz ರಿಫ್ರೆಶ್ ರೇಟ್ ಹೊಂದಿರುವ 1.5K OLED ಸ್ಕ್ರೀನ್ ನೀಡಲಾಗಿದೆ. ಇಷ್ಟು ಸ್ಮೂಥ್ ಸ್ಕ್ರೀನ್ ಈ ಸರಣಿಯ ಬೇರೆ ಯಾವ ಫೋನ್‌ನಲ್ಲೂ ಇರಲಿಲ್ಲ ಅಂತ ಕಂಪನಿಯೇ ಹೇಳ್ಕೊಳ್ತಿದೆ. 5000 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಮತ್ತು 1.07 ಬಿಲಿಯನ್ ಕಲರ್ಸ್ ಸಪೋರ್ಟ್ ಇರುವ ಈ ಸ್ಕ್ರೀನ್‌ನಲ್ಲಿ, ರಾತ್ರಿ ಸಮಯದಲ್ಲಿ ಕಣ್ಣಿಗೆ ಹೆಚ್ಚು ಆರಾಮವಾಗಿರಲಿ ಎಂಬ ಉದ್ದೇಶದಿಂದ 1 ನಿಟ್ ವರೆಗೆ ಬ್ರೈಟ್‌ನೆಸ್ ಕಡಿಮೆ ಆಗುವ ಫೀಚರ್ ಕೂಡ ಹೊಂದಿದೆ.
Vivo T5 5G ಬಗ್ಗೆ ತಿಳ್ಕೋಬೇಕು ಅಂದ್ರೆ, ಇದರ ಬೆಲೆ ಮತ್ತು ಪ್ರಮುಖ ಫೀಚರ್ಸ್‌ಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ. Vivo T5 5G: 7,050mAh ಬ್ಯಾಟರಿ, 144Hz ಡಿಸ್ಪ್ಲೇ – ಬೆಲೆ ಎಷ್ಟು?
OriginOS 7 ಜೊತೆಗಿನ AI ಫೀಚರ್ಸ್
ಫೋನ್ OriginOS 7 ಜೊತೆ ಬರುತ್ತೆ. ಇದರಲ್ಲಿ ಕೆಲವು ಇಂಟರೆಸ್ಟಿಂಗ್ AI ಫೀಚರ್ಸ್‌ಗಳನ್ನೂ ಸೇರಿಸಲಾಗಿದೆ. ಪೆಟ್ ಪಾಲ್ಸ್ (Pet Pals) ಅನ್ನೋ ಫೀಚರ್ ಲಾಕ್ ಸ್ಕ್ರೀನ್‌ನಲ್ಲಿ ವರ್ಚುಯಲ್ ಪೆಟ್ ಕಂಪ್ಯಾನಿಯನ್ ತೋರಿಸುತ್ತೆ. ಸ್ನ್ಯಾಪ್ ನೋಟ್ (Snap Note) ಫೀಚರ್ ಮೂಲಕ ವೈಟ್‌ಬೋರ್ಡ್ ಅಥವಾ ನೋಟ್ಸ್‌ನ ಫೋಟೋ ತೆಗೆದ್ರೆ, AI ಅದನ್ನ ಎಡಿಟ್ ಮಾಡಬಹುದಾದ ಡಾಕ್ಯುಮೆಂಟ್ ಆಗಿ ಬದಲಾಯಿಸುತ್ತೆ. ಇನ್ನು ಸೆಕ್ಯುರಿಟಿ ಶೀಲ್ಡ್ (Security Shield) ಫೀಚರ್ ಕರೆಗಳು, ಆಪ್ಸ್ ಮತ್ತು ನೆಟ್‌ವರ್ಕ್‌ನಲ್ಲಿ ಬರುವ ಸ್ಕ್ಯಾಮ್ ಹಾಗೂ ಥ್ರೆಟ್‌ಗಳಿಂದ ರಕ್ಷಣೆ ಒದಗಿಸುತ್ತೆ. ಇನ್ನೊಂದು ವಿಶೇಷ ಅಂದ್ರೆ, ಫೋನ್‌ಗೆ 6 ವರ್ಷಗಳ ಎಕ್ಸ್‌ಟೆಂಡೆಡ್ ಸೆಕ್ಯುರಿಟಿ ಅಪ್‌ಡೇಟ್ಸ್ ಸಿಗುತ್ತೆ ಎಂದು ವಿವೋ ಪ್ರಕಟಿಸಿದೆ.
Vivo V80 ಬೆಲೆ ಮತ್ತು ಬಿಡುಗಡೆ ದಿನಾಂಕ
ವಿವೋ ಈಗ ಅಧಿಕೃತವಾಗಿ ತಿಳಿಸಿರುವ ಪ್ರಕಾರ, V80 ಫೋನ್ ಅಕ್ಟೋಬರ್ 6ರಂದು ಮಧ್ಯಾಹ್ನ 12 ಗಂಟೆಗೆ ಭಾರತದಲ್ಲಿ ಲಾಂಚ್ ಆಗಲಿದೆ. ಫೋನ್‌ನ ಮೈಕ್ರೋಸೈಟ್ ಈಗಾಗಲೇ ಫ್ಲಿಪ್‌ಕಾರ್ಟ್‌ನಲ್ಲಿ ಲೈವ್ ಆಗಿದ್ದು, ಇದೇ ಪ್ಲಾಟ್‌ಫಾರ್ಮ್‌ನಲ್ಲಿ ಮಾರಾಟಕ್ಕೆ ಬರಲಿದೆ ಎಂಬುದು ಸ್ಪಷ್ಟವಾಗಿದೆ.
ಬೆಲೆ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಬಂದಿಲ್ಲ. ಆದ್ರೆ ಟೆಕ್ ಟಿಪ್‌ಸ್ಟರ್‌ಗಳ ಪ್ರಕಾರ, ಫೋನ್ ₹60,000ಕ್ಕಿಂತ ಹೆಚ್ಚಿನ ಬೆಲೆಯಲ್ಲಿ ಬರಬಹುದು ಎಂದು ಅಂದಾಜಿಸಲಾಗಿದೆ. ಅಂದರೆ V70ಗೆ ಹೋಲಿಸಿದ್ರೆ ಬೆಲೆ ಸ್ವಲ್ಪ ಹೆಚ್ಚಾಗುವ ಸಾಧ್ಯತೆ ಇದೆ. ಲಾಂಚ್ ದಿನ ಫೋನ್‌ನ ಬೆಲೆ ಮತ್ತು ವೇರಿಯೆಂಟ್‌ಗಳ ಬಗ್ಗೆ ಸಂಪೂರ್ಣ ಮಾಹಿತಿ ಸಿಗಲಿದೆ.
₹20,000 ಒಳಗೆ Vivo ಫೋನ್ ಬೇಕಿದ್ದರೆ, ಈ ಲಿಸ್ಟ್ ಕೂಡ ಒಮ್ಮೆ ನೋಡಿ: ಯಾವ ವಿವೋ 5G ಫೋನ್ ಬೆಸ್ಟ್? – Vivo Phones Under 20000 ಲಿಸ್ಟ್
Vivo V80 ಬಗ್ಗೆ ಕೊನೆಯದಾಗಿ
ವಿವೋ V80 ನೋಡಿದ್ರೆ, ಇದು ಪೂರ್ತಿಯಾಗಿ ಕಂಟೆಂಟ್ ಕ್ರಿಯೇಟರ್‌ಗಳನ್ನ ಗಮನದಲ್ಲಿಟ್ಕೊಂಡು ಮಾಡಿರೋ ಫೋನ್ ಅಂತ ಸ್ಪಷ್ಟ ಆಗುತ್ತೆ. ZEISS ಜೊತೆ ಕೋ-ಎಂಜಿನಿಯರ್ಡ್ ಮಾಡಿರುವ ಕ್ಯಾಮೆರಾ ಸಿಸ್ಟಂ, ದೊಡ್ಡ ಬ್ಯಾಟರಿ ಮತ್ತು ಸ್ಮೂಥ್ ಡಿಸ್ಪ್ಲೇ ಫೋನ್‌ನ ಪ್ರಮುಖ ಆಕರ್ಷಣೆಗಳಾಗಿ ಕಾಣಿಸುತ್ತವೆ. ಫೋನ್‌ನ ಬೆಲೆ ಬಗ್ಗೆ ಮಾತ್ರ ಅಧಿಕೃತ ಘೋಷಣೆ ಇನ್ನೂ ಬಾಕಿ ಇದ್ದು, ಲಾಂಚ್ ಸಮಯದಲ್ಲಿ ಈ ಬಗ್ಗೆ ಪೂರ್ಣ ಮಾಹಿತಿ ಸಿಗಲಿದೆ.
