ಮಿಡ್-ರೇಂಜ್ ಸ್ಮಾರ್ಟ್‌ಫೋನ್‌ಗಳ ವಿಭಾಗದಲ್ಲಿ ಯಾವಾಗಲೂ ಸದ್ದು ಮಾಡುವ Redmi, ಈ ಬಾರಿಯೂ ತನ್ನ Note ಸರಣಿಯ ಹೊಸ ಫೋನ್ ಜೊತೆ ಬಂದಿದೆ. ರೆಡ್ಮಿ ನೋಟ್ 17 ಪ್ರೊ (Redmi Note 17 Pro) ಈಗಾಗಲೇ ಚೀನಾ ಮತ್ತು ಗ್ಲೋಬಲ್ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿದ್ದು, ಸೆಪ್ಟೆಂಬರ್ 15, 2026ರಂದು ಈ ಫೋನ್ ಜೊತೆಗೆ ರೆಡ್ಮಿ ನೋಟ್ 17 ಪ್ರೊ ಮ್ಯಾಕ್ಸ್ (Redmi Note 17 Pro Max) ಕೂಡ ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಿದೆ.
ಈಗಾಗಲೇ ಒಂದು ವಿಷಯ ಎಲ್ಲಾ ಕಡೆ ಚರ್ಚೆ ಆಗ್ತಿದೆ – ಅದುವೇ ಬ್ಯಾಟರಿ. ಇಷ್ಟು ದೊಡ್ಡ ಬ್ಯಾಟರಿ ಇಟ್ಕೊಂಡು ಬರೋ ಫೋನ್ ಈ ರೇಂಜ್‌ನಲ್ಲಿ ಅಪರೂಪ. ಹಾಗಾದ್ರೆ ಭಾರತದಲ್ಲಿ ಇದರ ಬೆಲೆ ಎಷ್ಟು ಮತ್ತು ಈ ಫೋನ್ ಖರೀದಿಸಲು ಯೋಗ್ಯವೇ ಎಂಬುದನ್ನು ವಿವರವಾಗಿ ನೋಡೋಣ.
Redmi Note 17 Pro ಬೆಲೆ ಎಷ್ಟು?
ರೆಡ್ಮಿ ನೋಟ್ 17 ಪ್ರೊ ನ 8GB RAM + 128GB ಸ್ಟೋರೇಜ್ ವೇರಿಯಂಟ್‌ಗೆ ₹36,999 ಮತ್ತು 8GB RAM + 256GB ಸ್ಟೋರೇಜ್ ವೇರಿಯಂಟ್‌ಗೆ ₹39,999 ಬೆಲೆಯಲ್ಲಿ ಸಿಗುತ್ತದೆ. ಇದು Amazon, mi.com ಹಾಗೂ ಆಯ್ದ ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಖರೀದಿಗೆ ಲಭ್ಯವಾಗಲಿದೆ. ಮತ್ತೊಂದೆಡೆ, ಟಾಪ್ ವೇರಿಯಂಟ್ ಆದ ರೆಡ್ಮಿ ನೋಟ್ 17 ಪ್ರೊ ಮ್ಯಾಕ್ಸ್ (8GB+256GB) ಬೆಲೆ ₹49,999 ದಿಂದ ಆರಂಭವಾಗಲಿದೆ. ಕ್ಲೌಡ್ ಬ್ಲೂ, ಪರ್ಪಲ್ ವೈಬ್ ಮತ್ತು ಸ್ಟೆಲ್ತ್ ಬ್ಲ್ಯಾಕ್ ಬಣ್ಣಗಳಲ್ಲಿ ಇದೆ.
Also Read: Redmi 17 5G: ₹23,999 ಬೆಲೆಗೆ 7900mAh ಬ್ಯಾಟರಿ, ಮತ್ತೇನಿದೆ?
ಡಿಸ್‌ಪ್ಲೇ ಹೇಗಿದೆ?
ರೆಡ್ಮಿ ನೋಟ್ 17 ಪ್ರೊ 6.83-ಇಂಚಿನ AMOLED ಡಿಸ್‌ಪ್ಲೇ ಹೊಂದಿದ್ದು, 1.5K (2772 x 1280 ಪಿಕ್ಸೆಲ್) ರೆಸಲ್ಯೂಶನ್ ನೀಡುತ್ತದೆ. 120Hz ರಿಫ್ರೆಶ್ ರೇಟ್ ಮತ್ತು 3500 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಇರುವುದರಿಂದ ಬಿಸಿಲಿನಲ್ಲೂ ಸ್ಕ್ರೀನ್ ಅತ್ಯಂತ ಸ್ಪಷ್ಟವಾಗಿ ಕಾಣುತ್ತದೆ. ಡಿಸ್‌ಪ್ಲೇ ರಕ್ಷಣೆಗೆ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ಬಳಸಲಾಗಿದ್ದು, ವೇಗವಾಗಿ ಅನ್‌ಲಾಕ್ ಮಾಡಲು ಇನ್-ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ನೀಡಲಾಗಿದೆ.
ಪರ್ಫಾರ್ಮೆನ್ಸ್ ಮತ್ತು ಗೇಮಿಂಗ್
ಈ ಫೋನ್‌ನಲ್ಲಿ 4nm ಫ್ಯಾಬ್ರಿಕೇಶನ್ ಆಧಾರಿತ ಕ್ವಾಲ್ಕಾಮ್ ಸ್ನಾಪ್‌ಡ್ರ್ಯಾಗನ್ 6s ಜೆನ್ 4 ಚಿಪ್‌ಸೆಟ್ ಬಳಸಲಾಗಿದೆ. ಇದು ದೈನಂದಿನ ಬಳಕೆ ಹಾಗೂ ಸೋಷಿಯಲ್ ಮೀಡಿಯಾಗೆ ಉತ್ತಮವಾಗಿದ್ದರೂ, ₹37,000 ಬೆಲೆಗೆ ಈ ಪ್ರೊಸೆಸರ್ ನೀಡಿರುವುದು ನಿಜಕ್ಕೂ ನಿರಾಸೆ ಮೂಡಿಸುತ್ತದೆ. ನೀವು ಹೆವಿ ಗೇಮಿಂಗ್ ಮಾಡುವವರಾಗಿದ್ದರೆ, ಈ ಪ್ರೊಸೆಸರ್ ಅಷ್ಟೊಂದು ಪವರ್‌ಫುಲ್ ಅಲ್ಲ.
ಕ್ಯಾಮೆರಾದಲ್ಲಿ ಏನು ಸಿಗಲಿದೆ?
ಹಿಂಭಾಗದಲ್ಲಿ 50MP OIS ಪ್ರೈಮರಿ ಕ್ಯಾಮೆರಾ ಜೊತೆಗೆ 8MP ಅಲ್ಟ್ರಾ-ವೈಡ್ ಲೆನ್ಸ್ ಇದೆ. ಸೆಲ್ಫಿಗಾಗಿ 16MP ಫ್ರಂಟ್ ಕ್ಯಾಮೆರಾ ನೀಡಲಾಗಿದೆ (ಪ್ರೊ ಮ್ಯಾಕ್ಸ್‌ನಲ್ಲಿ 32MP ಇದೆ). 4K 30fps ವೀಡಿಯೊ ರೆಕಾರ್ಡಿಂಗ್, OIS ಮತ್ತು EIS ಬೆಂಬಲ, ನೈಟ್ ಪೋರ್ಟ್ರೇಟ್ ಹಾಗೂ ವಿಶೇಷವಾದ ಅಂಡರ್‌ವಾಟರ್ ಮೋಡ್ ಈ ಕ್ಯಾಮೆರಾದ ಪ್ರಮುಖ ಆಕರ್ಷಣೆ. 200MP ಸೆನ್ಸರ್ ನೀಡುವ ಬದಲು ಬ್ಯಾಟರಿ ಮತ್ತು ಗುಣಮಟ್ಟಕ್ಕೆ ಶಿಯೋಮಿ ಆದ್ಯತೆ ನೀಡಿದೆ.
9000mAh ಬೃಹತ್ ಬ್ಯಾಟರಿ
ಇದೇ ಈ ಫೋನ್‌ನ ಅತಿದೊಡ್ಡ ಹೈಲೈಟ್. ರೆಡ್ಮಿ ನೋಟ್ 17 ಪ್ರೊ 9,000mAh ಸಿಲಿಕಾನ್-ಕಾರ್ಬನ್ ಬ್ಯಾಟರಿ ಹಾಗೂ 67W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ (ಪ್ರೊ ಮ್ಯಾಕ್ಸ್‌ನಲ್ಲಿ 10,000mAh + 100W ಇದೆ). ಇಷ್ಟೊಂದು ದೊಡ್ಡ ಬ್ಯಾಟರಿ ಇದ್ದರೂ ಫೋನ್ ತೂಕ ಕೇವಲ 223 ಗ್ರಾಂ ಇರುವುದು ಆಶ್ಚರ್ಯಕರ.
ಬಿಲ್ಡ್ ಮತ್ತು ಸಾಫ್ಟ್‌ವೇರ್
ಫೋನ್ ಆಂಡ್ರಾಯ್ಡ್ 16 ಆಧಾರಿತ HyperOS 3 ಜೊತೆ ಬರುತ್ತಿದೆ. IP66/IP68/IP69/IP69K ರೇಟಿಂಗ್ ಇರುವುದರಿಂದ ಧೂಳು, ನೀರು ಹಾಗೂ ಹೈ-ಪ್ರೆಶರ್ ವಾಟರ್ ಜೆಟ್‌ಗಳಿಂದ ಫೋನ್‌ಗೆ ಉತ್ತಮ ರಕ್ಷಣೆ ಸಿಗುತ್ತದೆ. ಈ ಬಜೆಟ್‌ನಲ್ಲಿ ಇಷ್ಟು ಡ್ಯುರಬಿಲಿಟಿ ನೀಡುವ ಫೋನ್‌ಗಳು ಕಡಿಮೆ. ಸ್ಟೀರಿಯೋ ಸ್ಪೀಕರ್‌ಗಳು ಮತ್ತು 300% ವರೆಗಿನ ವಾಲ್ಯೂಮ್ ಬೂಸ್ಟ್ ಕೂಡ ಇರುವುದರಿಂದ, ಮೀಡಿಯಾ ಬಳಕೆದಾರರಿಗೆ ಇದು ಒಳ್ಳೆಯ ಫೀಚರ್ ಆಗಲಿದೆ.
Also Read: ಹೊಸ Motorola Edge 70 Plus ಲಾಂಚ್: 200MP ಕ್ಯಾಮೆರಾ, 6500mAh ಬ್ಯಾಟರಿ ಜೊತೆ ಬಂತು ಈ ಫೋನ್!
ಕೊನೆಯ ಮಾತು
ನಿಮಗೆ ಬ್ಯಾಟರಿ ಮುಗಿಯುವ ಚಿಂತೆ ಇರಬಾರದು ಮತ್ತು ಫೋನ್ ನೀರಿನಲ್ಲಿ ಬಿದ್ದರೂ ಹಾಳಾಗಬಾರದು ಎಂದಾದರೆ ಮಾತ್ರ Redmi Note 17 Pro ಆಯ್ಕೆ ಮಾಡಿ. ಆದರೆ, ನೀವು ಪರ್ಫಾರ್ಮೆನ್ಸ್ ಮತ್ತು ಗೇಮಿಂಗ್ ಪ್ರಿಯರಾಗಿದ್ದರೆ, ಇದೇ ಬಜೆಟ್‌ನಲ್ಲಿ ಲಭ್ಯವಿರುವ Poco, iQOO ಅಥವಾ OnePlus ನಂತಹ ಬೇರೆ ಸ್ಮಾರ್ಟ್‌ಫೋನ್‌ಗಳತ್ತ ಗಮನಹರಿಸುವುದು ಉತ್ತಮ.
ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು (FAQ)
1. ರೆಡ್ಮಿ ನೋಟ್ 17 ಪ್ರೊ ಆರಂಭಿಕ ದರವೆಷ್ಟು?
ಇದರ 8GB+128GB ಬೇಸ್ ವೇರಿಯಂಟ್ ₹36,999 ಕ್ಕೆ ಲಭ್ಯವಿದ್ದು, ಟಾಪ್ ಮಾಡೆಲ್ ₹39,999 ಕ್ಕೆ ಸಿಗಲಿದೆ.
2. ಈ ಫೋನ್ ಯಾವ ಯಾವ ಬಣ್ಣಗಳಲ್ಲಿ ಲಭ್ಯವಿದೆ?
ಈ ಸ್ಮಾರ್ಟ್‌ಫೋನ್ ಕ್ಲೌಡ್ ಬ್ಲೂ (ಫೋಟೋಕ್ರೊಮ್ಯಾಟಿಕ್ ಫಿನಿಶ್), ಪರ್ಪಲ್ ವೈಬ್ ಮತ್ತು ಸ್ಟೆಲ್ತ್ ಬ್ಲ್ಯಾಕ್ ಎಂಬ ಮೂರು ಆಕರ್ಷಕ ಬಣ್ಣಗಳಲ್ಲಿ ಖರೀದಿಗೆ ಸಿಗಲಿದೆ.
3. ಫೋನ್ ಬಾಕ್ಸ್‌ನಲ್ಲಿ ಚಾರ್ಜರ್ ನೀಡಲಾಗುತ್ತದೆಯೇ?
ಹೌದು, 9000mAh ಬೃಹತ್ ಬ್ಯಾಟರಿಯನ್ನು ವೇಗವಾಗಿ ತುಂಬಲು 67W ಸಾಮರ್ಥ್ಯದ ಅಡಾಪ್ಟರ್ ಅನ್ನು ಕಂಪನಿಯೇ ಒದಗಿಸುತ್ತಿದೆ.
4. ಇದು ನೀರು ಮತ್ತು ಧೂಳು ನಿರೋಧಕವೇ?
ಖಂಡಿತ, ಈ ಸಾಧನವು IP68 ಹಾಗೂ IP69K ರೇಟಿಂಗ್ ಹೊಂದಿದ್ದು, ಮಳೆ ಅಥವಾ ಹೈ-ಪ್ರೆಶರ್ ವಾಟರ್ ಜೆಟ್‌ನಿಂದಲೂ ಸಂಪೂರ್ಣ ಸುರಕ್ಷಿತವಾಗಿದೆ.
5. ಹೊಸ ಪ್ರೊಸೆಸರ್ ಪರ್ಫಾರ್ಮೆನ್ಸ್ ಹೇಗಿದೆ?
ದಿನನಿತ್ಯದ ಟಾಸ್ಕ್ ಮತ್ತು ಕ್ಯಾಶುಯಲ್ ಗೇಮ್‌ಗಳಿಗೆ ‘ಸ್ನಾಪ್‌ಡ್ರ್ಯಾಗನ್ 6s Gen 4’ ಉತ್ತಮವಾಗಿದೆ. ಆದರೆ, ಬಿಜಿಎಂಐ (BGMI) ನಂತಹ ಹೆವಿ ಗ್ರಾಫಿಕ್ಸ್ ಗೇಮ್‌ಗಳಿಗೆ ಇದು ಹೇಳಿಮಾಡಿದ್ದಲ್ಲ.
